କୋଇଡ଼ା ବିଡିଓଙ୍କ ବାପା ଗିରଫ

କୋଇଡ଼ା(ବଡ଼ ଖବର ବ୍ୟୁରୋ): କୋଇଡ଼ା ବିଡିଓଙ୍କ ବାପା ଗିରଫ । ବଡିଓ ଥିବା ଝିଅକୁ ମାଡ଼ ମାରିବା ଅଭିଯୋଗରେ ବାପା ରମେଶ ଚନ୍ଦ୍ର ରାଜ ଗିରଫ । ଏସମ୍ପର୍କରେ ସୂଚନା ଦେଲେ ରାଉରକେଲା ଏସ୍ପି ମୁକେଶ ଭାମୁ । ୩୪୧, ୩୦୭, ୫୦୬, ୩୮୪, ୩୪ ଆଇପିସି ଧାରାରେ ଗିରଫ ହେଲେ ରମେଶ ଚନ୍ଦ୍ର ରାଜ । ବିଡିଓ ସମେତ ସହକାରୀ ଯନ୍ତ୍ରୀଙ୍କୁ ବିଡିଓ ଙ୍କ ବାପା ଓ ଭାଇ ମାଡ ମାରିଥିବା ଅଭିଯୋଗ ହୋଇଛି । ଏନେଇ ଥାନାରେ ଏତଲା ଦେଇଥିଲେ ବିଡିଓ ।

ଗତକାଲି ରାତି ୧୦ ଟା ସମୟରେ ବିଡିଓ ପଲ୍ଲବୀ ରାଣୀ ରାଜଙ୍କ ବାସଗୃହରେ ତାଙ୍କର ବାପା ଓ ଭାଇ ଅଚାନକ ଆସି ମାଡ଼ ମାରିଥିଲେ ଏବଂ ବଞ୍ଚାଇବା ପାଇଁ ବ୍ଲକ୍ ସହକାରୀ ଯନ୍ତ୍ରୀ ଅଭିଶେକ ପାଣିଗ୍ରାହୀ ଆସିଲା ବେଳକୁ ତାଙ୍କୁ ମଧ୍ୟ ମାଡ ମାରିଥିଲେ । ଏତଲା ଆଧାରରେ ବାପା ଙ୍କୁ ଗିରଫ କରିଛି କୋଇଡା ପୋଲିସ୍, ଅନ୍ୟପଟେ ଭାଇ ସଂଗ୍ରାମ ଫେରାର୍ ରହିଛନ୍ତି । କୋଇଡା ବିଡ଼ିଓଙ୍କୁ କୋଇଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରର ଏକ ଟିମ ତାଙ୍କ କ୍ବାର୍ଟର ଯାଇ ଚିକିତ୍ସିତ ପରେ କଟକ ବଡ ମେଡିକାଲ୍ ସ୍ଥାନାନ୍ତରିତ କରିଥିବା ବେଳେ ଆସିଷ୍ଟାଣ୍ଟ ଇଞ୍ଜିନିୟର ଙ୍କୁ କୋଇଡା ମେଡ଼ିକାଲରେ ପ୍ରାଥମିକ ଚିକିତ୍ସା ପରେ ରାଉରକେଲା ସ୍ଥାନାନ୍ତର କରାଯାଇଛି ।