ଯୌତୁକ ଜୁଇରେ ଜଳିଲେ ବଧୂ

ଅସ୍ତରଙ୍ଗ, (ବଡ଼ ଖବର ବ୍ୟୁରୋ): ଯୌତୁକ ଜୁଇରେ ଜଳିଲେ ବଧୂ । ଅସ୍ତରଙ୍ଗ ସାମୁଦ୍ରିକ ଥାନା ମଧୁପୁର ଗାଁରେ ଘଟିଛି ଏଭଳି ଅଭାବନୀୟ ଘଟଣା । ରୀତା ବେହେରାଙ୍କୁ ଯୌତୁକ ପାଇଁ ଶାଶୁଘର ଲୋକେ ମାରିଦେଇଥିବା ଆଭିଯୋଗ କରିଛଛନ୍ତି ମୃତ ରୀତାଙ୍କ ଭାଇ ନିଲୁ ପୃଷ୍ଠି । ଅଭିଯୋଗ ଅନୁଯାୟୀ ୨୦୧୩ମସିହାରେ ନେତପୁର ଗାଁର ବାବୁଲି ପୃଷ୍ଠିଙ୍କ ଝିଅ ରୀତା ମଧୁପୁର ଗାଁର ରଂଜିତ ବେହେରାଙ୍କୁ ବିବାହ କରିଥିଲେ । ବିବାହ ବେଳେ ବର ପକ୍ଷର ଦାବି ମୁତାବକ ୧ଲକ୍ଷ ଟଙ୍କା ଓ ସୁନା ଗହଣା ଦେଇଥିଲେ ରୀତାଙ୍କ ପରିବାର ଲୋକେ । ପରେ ଶଶୁର ଘର ପକ୍ଷରୁ ଆହୁରି ୫୦ହଜାର ଟଙ୍କା ଦାବି କରାଯାଇଥିଲା । ଟଙ୍କ ଦେଇନପାରିବାରୁ ସ୍ୱାମୀ, ଶାଶୁ ଓ ନଣନ୍ଦ ମିଶି ରୀତାଙ୍କୁ ନିର୍ଯାତନା ଦେବା ସହ ଜୀବନରୁ ମାରିଦେବା ପାଇଁ ଧମକ ଦେଇଥିଲେ । ଗତକାଲି ସନ୍ଧ୍ୟାରେ ସ୍ୱାମୀ, ଶାଶୁ ଓ ନଣନ୍ଦ ମିଶି ରୀତାଙ୍କୁ ମାରିଦେଇଛନ୍ତି । ଅସ୍ତରଙ୍ଗ ସାମୁଦ୍ରିକ ଥାନାରେ ଅଭିଯୋଗ ହେବାପରେ ପୋଲିସ ମୃତ ରୀତାଙ୍କ ସ୍ୱାମୀଙ୍କୁ ଅଟକ ରଖି ତଦନ୍ତ ଚଳାଇଛି ।