ଦୃଷ୍ଟି ଆଢୁଆଳରେ ଗଣକବି ବୈଷ୍ଣବ ପାଣିଙ୍କ ପ୍ରବେଶ ତୋରଣ

ମାହାଙ୍ଗା, (ବଡ଼ ଖବର ବ୍ୟୁରୋ): କଟକ ଜିଲା ମାହାଙ୍ଗା ଅଞ୍ଚଳ ଓସ୍ତମୂଳ ଖନ୍ଦଳ ବଜାରସ୍ଥିତ ଗଣକବି ବୈଷ୍ଣବ ପାଣିଙ୍କ ଗାଁକୁ ଯିବାକୁ ଥିବା ପ୍ରବେଶ ତୋରଣ ଦୀର୍ଘଦିନ ଧରି ଭାଙ୍ଗିରୁଜି ଯାଇଛି। ଅନେକ ନେତା ଆଉ ମନ୍ତ୍ରୀ ସେଇ ତୋରଣ ଦେଇ ଯାତାୟାତ କରୁଥିବା ବେଳେ କାହାର ନଜର ପଡୁ ନ ଥିବା ଘଟଣାକୁ ନେଇ ସ୍ଥାନୀୟ ଅଞ୍ଚଳ ମର୍ମାହତ। ଆଗାମୀ କୁମାର ପୂର୍ଣ୍ଣିମା ଦିନ ଗଣକବି ବୈଷ୍ଣବ ପାଣିଙ୍କ ଜନ୍ମ ଦିବସ। କିନ୍ତୁ ଏପଟେ ତୋରଣରେ ପଲସ୍ତରା ଖସିଯିବା ସହ ରଙ୍ଗ ମଧ୍ୟ ଛାଡ଼ିବାକୁ ବସିଲାଣି। ଏଥିପ୍ରତି ପ୍ରଶାସନ ଦୃଷ୍ଟି ଦେଇ ଏହାକୁ ମରାମତି କରିବାକୁ ସ୍ଥାନୀୟ ଜନସାଧାରଣ ଦାବି କରିଛନ୍ତି।