ଦୁବାଇକୁ ରତ୍ପାନି ହେବ ସ୍ୱାଦିଷ୍ଟ ଫଳ ଡ୍ରାଗନ
(ବଡ଼ ଖବର ବ୍ୟୁରୋ): ଦୁବାଇକୁ ରତ୍ପାନି ହେବ ଅତି ସ୍ୱାଦିଷ୍ଟ ଫଳ ଡ୍ରାଗନ । କମଲାମ୍ ନାମରେ ପରିଚିତ ଏହି ଫଳ ଦୁବାଇ ଲୋକଙ୍କ ଅତି ପ୍ରିୟ ହୋଇଥିବାରୁ ସେଠାକୁ ପଠାଯିବ ବୋଲି ମହାରାଷ୍ଟ୍ର ବାଣିଜ୍ୟ ଓ ଶିଳ୍ପମନ୍ତ୍ରୀ କହିଛନ୍ତି । ମହାରାଷ୍ଟ୍ରର ସାଙ୍ଗଲି ଜିଲ୍ଲା ସତାସର ଗାଁର ଲୋକମାନେ ବହୁ ପରିମାଣରେ ଡ୍ରାଗନ୍ ଫଳ ଚାଷ କରନ୍ତି । ସରକାରଙ୍କ ସ୍ୱୀକୃତି ପ୍ରାପ୍ତ ରତ୍ପାନକାରୀ ସଂସ୍ଥା କେବି ଏହି ସ୍ୱାଦିଷ୍ଟ ଫଳକୁ ଭଲ ଭାବେ ପ୍ରୋସେସିଂ କରିବା ସହ ପ୍ୟାକ୍ କରୁଛି ।
ସାଧାରଣତଃ ଡ୍ରାଗନ ଫଳ ମ୍ୟାଲେସିଆ, ଥାଇଲାଣ୍ଡ, ଫିଲିଫାଇନ୍ସ, ଆମେରିକାରେ ବହୁଳ ଚାଷ କରାଯାଏ । ୧୯୯୦ରେ ଭାରତରେ ଡ୍ରାଗନ ଚାଷ ଆରମ୍ଭ ହୋଇଥିଲା । ମାତ୍ର ଏହାକୁ ଲୋକମାନେ ବାଡ଼ି ବଗିଚାରେ ଚାଷ କରୁଥିଲେ । ଏହି ସ୍ୱାଦିଷ୍ଟ ଫଳର ଚାହିଦା ବଢିବାରୁ ମୁଖ୍ୟତଃ କର୍ଣ୍ଣାଟକ, କେରଳ, ତାମିଲନାଡୁ, ମହାରାଷ୍ଟ୍ର, ଗୁଜରାଟ, ଓଡ଼ିଶା, ପଶ୍ଚିମବଙ୍ଗ, ଆନ୍ଧ୍ରପ୍ରଦେଶ, ଆଣ୍ଡାମାନ ଓ ନିକୋବରରେ ଚାଷ କରାଯାଉଛି ।