ଜ୍ୟାକଲିନଙ୍କୁ ଇଡିର ସମନ

ମୁମ୍ବାଇ(ବଡ଼ ଖବର ବ୍ୟୁରୋ):  ମନି ଲଣ୍ଡ୍ରିଂ ମାମଲାରେ ପୁଣିଥରେ ଫସିଲେ ବଲିଉଡ ଅଭିନେତ୍ରୀ ଜ୍ୟାକଲିନ ଫର୍ଣ୍ଣାଡିଜ । ପୁଣି ଥରେ ଇଡି ତାଙ୍କୁ ସମନ କରିଛି । ପୂର୍ବରୁ ତାଙ୍କୁ ୨୦୦ କୋଟି ଠକେଇ ମାମଲାରେ ୨ ଥର ସମନ ହୋଇଥିଲା । ହେଲେ ସେ ଇଡି ନିକଟରେ ହାଜର ହୋଇ ନଥିଲେ । ଆଜି ତାଙ୍କୁ ହାଜର ହେବା ପାଇଁ କୁହାଯାଇଥିଲେ ମଧ୍ୟ ସେ ଇଡି କାର୍ଯ୍ୟଳୟଙ୍କୁ ଆସି ନାହାଁନ୍ତି । ଫଳରେ ତାଙ୍କୁ ତୃତୀୟ ଥର ପାଇଁ ସମନ କରାଯାଇଛି ।

ସମନ ପାଇଁ ଆସନ୍ତା କାଲି ଦିନ ୧୧ଟା ବେଳକୁ ଜ୍ୟାକଲିନଙ୍କୁ ଦିଲ୍ଲୀରେ ଥଲିବା ଇଡି ମୁଖ୍ୟ ଅଫିସରେ ହାଜର ହେବା ପାଇଁ କୁହାଯାଇଛି । ଗତକାଲି ବି ବଲିଉଡର ଆଇଟମ ଗାର୍ଲ ନୋରା ଫତେହିଙ୍କୁ ଇଡି ଜେରା କରିଥିଲା । ସୁକେଶ ୨୦୦ କୋଟିର ଠକେଇ କରିଥିବା ବେଳେ ନୋରା ଓ ଜ୍ୟାକଲିନ ତାଙ୍କ ପାର୍ଟିରେ ସାମିଲ ଥିଲେ ବୋଲି ଜଣାପଡିଛି । ଜ୍ୟାକଲିନ ୩୦ ଅଗଷ୍ଟରେ ଇଡି ଅଫିସରେ ପହଞ୍ଚିବା ପରେ ତାଙ୍କୁ ଦୀର୍ଘ ୪ ଘଣ୍ଟା ଧରି ପଚରାଉଚରା କରାଯାଇଥିଲା । ଆଇନ ଆଧାରରେ ତାଙ୍କ ବୟନ ମଧ୍ୟ ରେକର୍ଡ କରାଯାଇଥିଲା ।