ପୋଖରୀରକୁ ଫିଙ୍ଗିଦେଲେ ଇଭିଏମ୍

କୋଲକାତା (ବଡ଼ ଖବର ବ୍ୟୁରୋ): ମତଦାନ ଚାଲିଥିବାବେଳେ କ୍ରୋଧିତ ହେଲେ ଜନତା । ଇଭିଏମକୁ ନେଇ ପୋଖରୀରେ ଫିଙ୍ଗିଦେଲେ । ଏଭଳି ଦୃଶ୍ୟ ଦେଖିବାକୁ ମଳିଛି ପଶ୍ଚିମବଙ୍ଗର ଦକ୍ଷିଣ ଚବିଶ ପ୍ରଗଣା କୁଲଟାଲିରେ । ଲୋକ ସଭା ନିର୍ବାଚନର ସପ୍ତମ ପର୍ଯ୍ୟାୟରେ ପଶ୍ଚିମବଙ୍ଗର ଦକ୍ଷିଣ ଚବିଶ ପ୍ରଗଣା କୁଲଟାଲିରେ ହଠାତ୍‌ ଜନତା କ୍ରୋଧିତ ହୋଇଥିଲେ। ଏକ କ୍ରୋଧିତ ଜନତା ମତଦାନ ବୁଥ୍‌ରେ ପ୍ରବେଶ କରି ଏକ ଇଭିଏମ୍‌ ଉଠାଇ ନିକଟସ୍ଥ ପୋଖରୀରେ ଫିଙ୍ଗି ଭୋଟ୍‌ ପ୍ରକ୍ରିୟାକୁ ଅଟକାଇ ଦେଇଥିଲେ।

ଯେତେବେଳେ କିଛି ଭୋଟରଙ୍କୁ ମତଦାନ ବୁଥ୍‌ରେ ପ୍ରବେଶ ବନ୍ଦ କରାଯାଇଥିଲା ସେତେବେଳେ ଏହା ଘଟିଥିଲା। ଏହା ଦେଖି ସ୍ଥାନୀୟ ଲୋକେ ପ୍ରବଳ ରାଗିଯାଇଥିଲେ। ସେମାନେ ଜବରଦସ୍ତ ମତଦାନ କେନ୍ଦ୍ରରେ ପଶି ଭୋଟର ଭେରିଫାଏଡ୍‌ ପେପର ଅଡିଟ୍‌ ଟ୍ରେଲ ସହିତ ଇଭିଏମ୍‌କୁ ନେଇ ପୋଖରୀରେ ଫିଙ୍ଗି ଦେଇଥିଲେ। ଯାହାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି ।