ଜେ ଆଣ୍ଡ ଜେ ଭାରତରେ ତିଆରି କରିବ କୋଭିଡ ଟିକା

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଭାରତରେ ଜନସନ୍ ଆଣ୍ଡ ଜନସନ୍ ତିଆରି କରିବ କୋଭିଡ ଟିକା । ଶୁକ୍ରବାର କ୍ୱାଡ ରାଷ୍ଟ୍ର ସମୂହର ଟିକା ବିକାଶ ଯୋଜନାରେ ଏହି ନିଷ୍ପତ୍ତି ନିଆଯାଇଛି । ଭାରତ, ଆମେରିକା , ଜାପାନ ଓ ଅଷ୍ଟ୍ରେଲିଆର ମିଳିତ ସହଭାଗିତାରେ ଏହି ଟିକା ତିଆରି କରାଯିବ । ଭାରତରେ ଏହି ଟିକା ପ୍ରସ୍ତୁତ କରିବା ପାଇଁ ଜାପାନ ଓ ଆମେରିକା ଅର୍ଥ ଯୋଗାଇ ଦେବେ ।

ଅନ୍ୟପଟେ ଅଷ୍ଟ୍ରେଲିଆ ବିଭିନ୍ନ ରାଷ୍ଟ୍ରକୁ ଏହି ଟିକା ପହଂଚାଇବା ପାଇଁ ପରିବହନ ଦାୟିତ୍ୱ ନେବ । ପ୍ରଥମ କ୍ୱାଡ ଲିଡ଼ର୍ସ ଭଚୁଆଲ ସମିଟରେ ସାମିଲ ହେବେ ୪ ଦେଶ । ସେଗୁଡ଼ିକ ହେଲା ଭାରତ, ଆମେରିକା, ଅଷ୍ଟ୍ରେଲିଆ, ଜାପାନ । ଭଚୁଆଲ ସମିଟରେ ଆମେରିକା ରାଷ୍ଟ୍ରପତି ଓ ପ୍ରଧାନମନ୍ତ୍ରୀଙ୍କ ସମ୍ବୋଧନା ।