ହାତୀ ଖୋଜରେ ଜୀବନ ଗଲା

ରାସଗୋବିନ୍ଦପୁର, (ବଡ଼ ଖବର ବ୍ୟୁରୋ): ମାତିଛନ୍ତି ଗଜରାଜ । ଦନ୍ତାହାତୀଙ୍କ ଆକ୍ରମଣରେ ଜଣେ ମହିଳାଙ୍କ ଜୀବନ ଯାଇଛି । ରାସଗୋବିନ୍ଦପୁର ବ୍ଲକ ପଳାଶମୁଣ୍ଡଳୀ ଗାଁରୁ ଆସିଛି ଏଭଳି ଦୁଃଖଦ ଖବର । ମୃତ ମହିଳା ହେଲେ ପଳାଶମୁଣ୍ଡଳୀ ଗାଁର ସୁଭଦ୍ରା ରଣା(୬୫) । ହାତୀ ଏମିତି ଆକ୍ରମଣ କରିଛି ଯେ ତାଙ୍କ ଶରୀରର ସମସ୍ତ ହାଡ଼ ଭାଙ୍ଗି ଯାଇଛି । ବନ ବିଭାଗ କର୍ମଚାରୀ ଘଟଣାସ୍ଥଳରେ ପହଞ୍ଚି ତଦନ୍ତ ଜାରି କରିଛି । ସୁଭଦ୍ରାଙ୍କ ପରିବାରକୁ କ୍ଷତି ପୂରଣ ଦେବା ଲାଗି ଦାବି କରିଛନ୍ତି ଗ୍ରାମବାସୀ ।

କିଛିଦିନ ହେବ ରାସଗୋବିନ୍ଦ ରେଞ୍ଜରେ ହାତୀପଲ ମାତିଛନ୍ତି । ବ୍ୟାପକ ଫସଲ ନଷ୍ଟ କରୁଛନ୍ତି । ବନ ବିଭାଗ କର୍ମଚାରୀମାନେ ହାତୀ ଘଉଡାଇବାରେ ବିଫଳ ହୋଇଛନ୍ତି । ଦୁଇଦିନ ପୂର୍ବେ ମଧ୍ୟ ହାତୀ ଆକ୍ରମଣରେ ଜଣଙ୍କର ମୃତ୍ୟୁ ହୋଇଥିଲା ।