ଦନ୍ତାକୁ ଗୁଳି କରି କାଟିନେଲେ ଦାନ୍ତ
ବାଲେଶ୍ୱର(ବଡ଼ ଖବର ବ୍ୟୁରୋ): କୁଲଡିହା ବନଖଣ୍ଡରେ ହାତୀ ଅସୁରକ୍ଷିତ । ଦାନ୍ତ ପାଇଁ ହାତୀକୁ ଗୁଳି କରି ଶିକାର । ହାତୀର ସୁରକ୍ଷା କ୍ଷେତ୍ରରେ ଫେଲ ମାରିଛି ବାଲେଶ୍ଵର ଜିଲ୍ଲା ବନବିଭାଗ । ଶିକାରୀଙ୍କ ଟେର୍ ପାଉନି ବନ କର୍ମଚାରୀ । ବର୍ଷକ ଭିତରେ ୬ଟି ହାତୀର ଜୀବନ ଯାଇଥିବାବେଳେ ଏବେ ପୁଣି ଏକ ଦନ୍ତାକୁ ଗୁଳିକରି ଦାନ୍ତ କାଟିନେଇ ଥିବା ସୂଚନା । ବାଲେଶ୍ୱର ଜିଲ୍ଲା ନୀଳଗିରି କୁଲଡିହା ଅଭୟାରଣ୍ୟର କଳମାଚତୁରିରେ ହାତୀକୁ ଗୁଳିକରି ଦାନ୍ତ କାଟି ନେଇଯାଇଛନ୍ତି ଶିକାରୀ । ଯାହା ସମସ୍ତଙ୍କୁ ଆଶ୍ଚର୍ଯ୍ୟ କରିଛି ।
ହାତୀ ଶିକାରକୁ ନେଇ ଜଙ୍ଗଲ ଭିତରେ ଶିକାରୀ ଓ ବନବିଭାଗ କର୍ମଚାରୀଙ୍କ ଚାଳିଛି କି ମଧୁଚନ୍ଦ୍ରିକା । ଯେଉଁଠି ବର୍ଷ ବର୍ଷ ଧରି ବନ କର୍ମଚାରୀଙ୍କ ଜଙ୍ଗଲ ଭିତରେ ପାଦ ପଡୁନି ଯାହାର ଫାଇଦା ଉଠାଉଛନ୍ତି ଶିକାରୀ । ଜିଲ୍ଲା ବନବିଭାଗ ଅଧିକାରୀଙ୍କ ଖାମ୍ ଖିଆଲି ନୀତି ପାଇଁ ଗୋଟିଏ ପରେ ଗୋଟିଏ ହାତି ଶିକାର କରିବାରେ ସକ୍ରିୟ ହୋଇଛନ୍ତି ଶିକାରୀ । କୁଲଡିହା ଜଙ୍ଗଲ ଭିତରେ ହାତୀକୁ ଶିକାର କରାଯାଉଥିବା ଅଞ୍ଚଳ ଗୁଡ଼ିକୁ ବନବିଭାଗ କର୍ମଚାରୀ ମାନେ କେତେ ଥର ଫୁଡ୍ ପେଟ୍ରୋଲିଂ କରିଛନ୍ତି ଯାହା ଓଏଫଏମଏମ ଆପରେ ତଦନ୍ତ କଲେ ପୁରା ରହସ୍ୟ ସାମ୍ନାକୁ ଆସିବ ।