ଶକ୍ତିମନ୍ତ୍ରୀ ଉଦଘାଟନ କଲାପରେ ବି ଗ୍ରାମକୁ ଆସିଲା ନାହିଁ ବିଜୁଳି
ଦଶପଲ୍ଲା(ବଡ଼ ଖବର ବ୍ୟୁରୋ): ଭୋଟ ପାଇଁ ଶକ୍ତି ମନ୍ତ୍ରୀଙ୍କ ମିଛ ଭାଷଣ । ଶକ୍ତି ମନ୍ତ୍ରୀ ପ୍ରତାପ କେଶରୀ ଦେବ, ଦଶପଲ୍ଲା ବିଧାୟକ ରମେଶ ଚନ୍ଦ୍ର ବେହେରା ,ବ୍ଲକ ଅଧ୍ୟକ୍ଷା ସୁନନ୍ଦା ସାହୁ ସମେତ ନିର୍ବାଚନ ମଣ୍ଡଳୀର ସରପଞ୍ଚ ସମିତି ମେମ୍ବର ଉପସ୍ଥିତ ରହି ୩୩/୧୧ କେଭି ଶବ୍ ଷ୍ଟେସନର ଉଦଘାଟନ କରାଯାଇଥିଲା । ଦଶପଲ୍ଲା ଅଞ୍ଚଳ ଦୀର୍ଘବର୍ଷ ଧରି ବିଦ୍ୟୁତ ସମସ୍ୟାର ସମାଧାନ ପାଇଁ ବାଣିଗୋଛ ଥାନା ଅଧୀନସ୍ଥ ତାକୁଡା ଠାରେ ଏହି ଉଦଘାଟନ କରାଯାଇଥିଲା ।
ମନ୍ତ୍ରୀ ପ୍ରତାପ ଦେବ ଓ ବିଧାୟକ ରମେଶ ଚନ୍ଦ୍ର ବେହେରା ଭାଷଣରେ କହିଥିଲେ ଯେ ତାକୁଡା ଠାରୁ ୬୦ କିଲୋମିଟର ପର୍ଯ୍ୟନ୍ତ ଆଉ ବିଦ୍ୟୁତ ସମସ୍ୟା ହେବ ନାହିଁ । କିନ୍ତୁ ବାସ୍ତବରେ ଉଦଘାଟନକୁ ୯ ଦିନ ଅତିକ୍ରମ କରିଥିଲେ ମଧ୍ୟ କୌଣସି ସୁବିଧା ପାଉନାହାନ୍ତି ଉପଭୋକ୍ତା । ଆଗରୁ ଭଲ ଥିଲା । ଏବେ କମ୍ପାନୀ ଆମକୁ ବିଦ୍ୟୁତ ନଦେଇ ଶୋସୁଚି ବୋଲି କହିଛନ୍ତି ସ୍ଥାନୀୟ ବାସିନ୍ଦା ।