ପ୍ରତ୍ୟେକ ପାଣି ବୁନ୍ଦା ମୂଲ୍ୟବାନ : ମୋଦି

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ଜଳ ହିଁ ଜୀବନ । ଆଉ ପାଣି ପାଇଁ ମହିଳାଙ୍କୁ ଯିବାକୁ ପଡ଼ିବ ନାହିଁ । ହାତ ପାହାନ୍ତାରେ ମିଳିବ ଏଥର ପାଣି । ମହିଳାଙ୍କୁ ସଶକ୍ତ କରିବା ପାଇଁ ଜଳ ଜୀବନ ମିଶନ ମୋବାଇଲ ଆପର ଉଦଘାଟନ କରିଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀ । ଏହି ଆପ ଜରିଆରେ କେତୋଟି ଘରେ ପାଣି ପହଂଚିଲା, ପାଣିର ଗୁଣାତ୍ମକ ମାନ କେମିତି ସହିତ ପାଣିର ଯୋଗାଣ ବାବଦରେ ସବିଶେଷ ତଥ୍ୟ ମିଳିବ । ଭିଡିଓ କନଫରେନସିଂ ଜରିଆରେ ଦେଶର ବିଭିନ୍ନ ଗ୍ରାମ ପଂଚାୟତର ମୁଖିଆ ଏବଂ ପାଣି ସମିତିଙ୍କ ସହ ଆଲୋଚନା କରିଛନ୍ତି ମୋଦି । ପ୍ରତ୍ୟେକ ପାଣି ବୁନ୍ଦା ବହୁମୂଲ୍ୟ ବୋଲି ମୋଦି କହିଛନ୍ତି ।