୬ଟି ବୁଥରେ ଇଭିଏମରେ ତୃଟି

ଭୁବନେଶ୍ୱର(ବଡ଼ ଖବର ବ୍ୟୁରୋ):   ଭୋଟ ଦେଉଛି ପିପିଲି । ଆଜି ସକାଳୁ ପିପିଲି ଉପନିର୍ବାଚନ ପାଇଁ ଭୋଟ ଗ୍ରହଣ ଚାଲିଥିବା ବେଳେ ବିଭିନ୍ନ ବୁଥରେ ଇଭିଏମରେ ତୃଟି ଦେଖା ଦେଇଛି । ଖବର ଆନୁଯାୟୀ ସକାଳେ ୪ଟି ବୁଥର ଇଭିଏମ ଅଚଳ ହୋଇଯାଇଥିଲା ବେଳେ ଏବେ ୬ଟି ବୁଥରେ ଇଭିଏମରେ ତୃଟି ଦେଖାଦେଇଛି ।

ତେବେ କୌଶଲ୍ୟାପୁରର ୧୫୪ ନମ୍ବର ବୁଥ୍, ପୁବାର ୧୫୮, ଲକ୍ଷ୍ମୀନାରାୟଣପୁରର ୧୬୧, କୁଞ୍ଜରର ୧୬୭, ସିଉଳାର ୧୬୯, ଓ ବିନାୟକପୁରର ୧୭୩ ନମ୍ବର ବୁଥରେ ତୃଟି ଦେଖାଦେଇଥିବା ନେଇ ସୂଚନାନ ମିଳିଛି । ଏହା ପୂର୍ବରୁ ୧୩୯- , ୧୭୭,୧୮୮ ନୂଆଶାସନ ଦକ୍ଷିଣ ସାହିର ୨୦୩ ନମ୍ବର ବୁଥରେ ଇଭିଏମ ଅଚଳ ହୋଇପଡିଥିବା ଖବର ମିଳିଥିଲା । ତେବେ ଏଗୁଡିକୁ ସଜାଡିବା ପରେ ପୁଣି ମତଦାନ ଆରମ୍ଭ ହୋଇଛି । ତେବେ ଏହି ଉପନିର୍ବାଚନରେ ମୋଟ ୨ ଲକ୍ଷ ୨୯ ହଜାର ୯୯୮ ଜଣ ଭୋଟର ମତଦାନ କରିବେ ।