୪୦୦ ନିୟୁତ ବର୍ଷ ପୂର୍ବେ ବିଛା ଥିଲା କୁକୁର ଆକାରର

ଭୁବନେଶ୍ଵର(ବଡ଼ ଖବର ବ୍ୟଞରୋ): ବିଛା ଥିଲା କୁକୁର ଆକାରର। ଆପଣ ଏକଥା ଶୁଣିଲେ ନିଶ୍ଚିତ ଆଶ୍ଚର୍ଯ୍ୟ ହେଉଥିବେ। ହଁ ଆଜ୍ଞା ୪୦୦ ନିୟୁତ ବର୍ଷ ପୂର୍ବେ ବିଛାର ଆକାର ଥିଲା କୁକୁର ଆକାରର। ଗୋଟେ ସମୟ ଥିଲା ଯେତେବେଳେ ବିଛା ବିଶ୍ଵକୁ ଶାସନ କରୁଥିଲା। ସେତେବେଳେ ବିଛାଙ୍କ ଆକାର ବହୁତ ବଡ଼ ଥିଲା। ତା ସହ ସେମାନେ ବହୁତ ବିଶାକ୍ତ ଥିଲେ ।

ନିକଟରେ ଚାଇନାର ନାନଜିଙ୍ଗ ଇନଷ୍ଟିଚ୍ୟୁଟ ଅଫ୍ ଜିଓଲୋଜି ଏକ ଜୀବାଶ୍ମ ଆବିଷ୍କାର କରିଛି। ଯାହା ଏକ ବଡ଼ ବିଛାର ଜୀବାଶ୍ମ। ଯେତେବେଳେ ଏହାର ଆକାର ମାପ କରାଗଲା ଦେଖାଗଲା ଯେ ଏହା ଏକ ବଡ଼ କୁକୁରର ଆକାର ସହ ସମାନ। ମମ୍ପ୍ରତି ଦେଖାଦେଉଥିବା ବିଛାର ଆକାର ଠୁ ପ୍ରାୟ ୧୬ ଗୁଣା ବଡ଼। କୁକୁର ଆକାରର ବିଛାର ଜୀବାଶ୍ମ ଟି ପ୍ରାୟ ୪୦୦ ନିୟୁତ ବର୍ଷ ପୁରୁଣା। ଏହି ବିଛା ସେ ସମୟର ଗଭୀର ସମୁଦ୍ରରେ ରାଜା ଥିଲା। ଏବେ ଏହାର ନାମ ଟେରୋପ୍ଟେରକ୍ସ କ୍ୟୁଶାନେନଶିସ୍ ରଖାଯାଇଛି।