ସାଲିମାର ଏକ୍ସପ୍ରେସରେ ନିଆଁ, ଅଧଘଣ୍ଟା ବିଳମ୍ବରେ ଗନ୍ତବ୍ୟସ୍ଥଳକୁ ଯାତ୍ରା

ଭଦ୍ରକ (ବଡ଼ ଖବର ବ୍ୟୁରୋ): ହାୱଡାରୁ ବିଶାଖାପାଟଣା ଯାଉଥିବା ସାଲିମାର ଏକ୍ସପ୍ରେସରେ ଲାଗିଛି ନିଆଁ । ଟ୍ରେନଟି ଭଦ୍ରକ ଷ୍ଟେସନ ଅତିକ୍ରମ କଲା ବେଳେ ଲାଗିଥିଲା ନିଆଁ । ଗତକାଲି ୧୧ଟା ୫ରେ ନିଆଁ ଲାଗିଥିବା ସୂଚନା ମିଳିଛି । ଏସ-୧ ଓ ଏସ-୨ ବଗିରେ ଧୂଆଁ ବାହାରିବା ସହ ନିଆଁ ଜଳିଥିଲା । କେଉଁ କାରଣରୁ ଏହି ଅଘଟଣ ଘଟିଛି ବୋଲି ଲୋକପାଇଲଟ ଯାଞ୍ଚ କରିଥିଲେ । ବଗିର ଚକ ଜାମ ହୋଇ ଏହି ଅଘଟଣ ଘଟିଥିବା ଜଣାପଡ଼ିଥିଲା । ନିଆଁ ଲିଭିବା ପରେ ଅଧଘଣ୍ଟା ବିଳମ୍ବରେ ଗନ୍ତବ୍ୟସ୍ଥଳକୁ ଯାତ୍ରା କରିଥିଲା ।