ଜଳକା ନଦୀରେ ବଢୁଛି ବନ୍ୟା ଆଶଙ୍କା
ଜଳେଶ୍ଵର (ବଡ଼ ଖବର ବ୍ୟୁରୋ): ବିପଦ ସଂଙ୍କେତ ଉପରେ ଜଳକା ନଦୀ ଜଳସ୍ତର । ନଦୀର ଜଳସ୍ତର ମଥାନୀ ଠାରେ ବିପଦ ସଂଙ୍କେତ ୫.୫୦ ମିଟର ଥିବାବେଳ ସକାଳ ସୁଧା ୬.୨୨ ମିଟରରେ ପ୍ରଭାବିତ ହେଉଛି । ୪ ଦିନ ଧରି ଲଘୁଚାପ ବର୍ଷା ଲାଗିରହିଥିବାବେଳ ଜଳସ୍ତର ବୃଦ୍ଧି ପାଇ ବନ୍ୟା ଆଶଙ୍କା ଦେଖାଦେଇଛି । ଯାହାକୁ ନେଇ ନଦୀକୂଳବାସୀ ଚିନ୍ତାରେ ରହିଛନ୍ତି । ବନ୍ୟା ହେଲେ ବସ୍ତାର ୧୨ ଟି ପଞ୍ଚାୟତ ପ୍ରଭାବିତ ହୋଇପାରେ । ଗତ ୧୦ ବର୍ଷ ଧରି ନଦୀବନ୍ଧ ମରାମତି କରା ଯାଇନଥିବାରୁ ନଦୀବନ୍ଧ ଭାଙ୍ଗିଯିବାର ଆଶଙ୍କା ରହିଛି । ତେବେ ଦୁର୍ବଳ ଥିବା ନଦୀବନ୍ଧ ସ୍ଥାନରେ ବାଲିବସ୍ତା ପକାଇବା ପାଇଁ ବାଲିବସ୍ତା ମହଜୁଦ ରଖାଯାଇଥିବା ସୂଚନା ଦେଇଛନ୍ତି ଜଳସେଚନ ବିଭାଗୀୟ ଅଧିକାରୀ ।