ମାଲବାହୀ ଟ୍ରେନ ଲାଇନଚ୍ୟୁତ, ୧୨ ଟ୍ରେନ ବାତିଲ

ଅନୁଗୁଳ (ବଡ଼ ଖବର ବ୍ୟୁରୋ): ଅନୁଗୁଳ ଜିଲ୍ଲା  ବଅଁରପାଳ ବ୍ଲକ  ଭୋଗବେରେଣି ପଞ୍ଚାୟତ ଠାରେ ମାଲବାହି ଟ୍ରେନ୍ ଦୁର୍ଘଟଣା ଗ୍ରସ୍ତ । ଟ୍ରେନର ୯ ଟି ବଗି ଲାଇନଚ୍ୟୁତ ହୋଇଥିବାବେଳେ କାହାର ମୃତ୍ୟୁ ହୋଇନଥିବା ସୂଚନା ରହିଛି  । ଟ୍ରେନଟି  ବିଳମ୍ବିତ ରାତିରେ  ଗହମ ବୋଝେଇ କରି ଅନୁଗୁଳରୁ ବାହାରି ତାଳଚେର ଅଭିମୁଖେ ଯାଉଥିବାବେଳେ ଭଗୋବେରେଣୀ ରେଲୱେ ଷ୍ଟେସନ ନିକଟ କେନାଲ ଉପରେ ଦୁର୍ଘଟଣା ଘଟିଥିଲା ।ଲଗାଣ ବର୍ଷା ଯୋଗୁଁ ଟ୍ରାକ ଦବିଯାଇଥିବାରୁ ଏଭଳି ଦୁର୍ଘଟଣା ହୋଇଥିବା କହିଛନ୍ତି ରେଲୱେ ଅଧିକାରୀ । ରେଲୱେ କର୍ମଚାରୀମାନେ ପହଞ୍ଚି ଉଦ୍ଧାର କାର୍ଯ୍ୟ ଜାରି ରଖିଛନ୍ତି ।  ଏହାକୁ ଆଖି ଆଗରେ ରଖି ୧୨ ଟି ଟ୍ରେନ ବାତିଲ କରାଯାଇଛି ।