ତୃତୀୟ ଥର ପାଇଁ ମା ହେଲା ବିଜୟା

ଭୁବନେଶ୍ୱର ( ବଡ଼ ଖବର ବ୍ୟୁରୋ ): ନନ୍ଦନକାନନ ପ୍ରାଣିଉଦ୍ୟାନ ପାଇଁ ଆଜି ଖୁସିର ଦିନ । ଧଳାବାଘୁଣୀ ବିଜୟା ଆଜି ତୃତୀୟ ଥର ପାଇଁ ମା ହୋଇଛି । ନନ୍ଦନକାନନରେ ସୈଫ ଓ ବିଜୟାର ମିଳନରେ ଧଳା ବାଘୁଣୀ ବିଜୟା ୩ ବାଘ ଶାବକ ଜନ୍ମ ଦେଇଛି । ଆଜି ୧୦.୫୮ମିନିଟ ସମୟରେ ଜନ୍ମ ଦେଇଛି ବିଜୟା । ସେମାନେ ଏବେ ସୁସ୍ଥ ଅଛନ୍ତି। ସିସିଟିଭି ମାଧ୍ୟମରେ ବାଘୁଣୀ ଓ ଶାବକ ଗୁଡ଼ିକ ଉପରେ ନଜର ରଖାଯାଇଛି । ଏବେ ନନ୍ଦନକାନନରେ ମହାବଳ ବାଘମାନଙ୍କ ସଂଖ୍ୟା ୨୭କୁ ବୃଦ୍ଧି ପାଇଛି । ଏନେଇ ସୂଚନା ଦେଇଛନ୍ତି ଉପ ନିର୍ଦେଶକ ବିମଳ ଆଚାର୍ଯ୍ୟ ।