କରୋନାରେ ସଂକ୍ରମିତ ହେଲେ ଗୋଟିଏ ହସ୍ପିଟାଲର ୪୦ ଡାକ୍ତର

ଲକ୍ଷ୍ନୌ (ବଡ଼ ଖବର ବ୍ୟୁରୋ): ଦିନକୁ ଦିନ କରୋନା ତାର କାୟା ବିସ୍ତାର କରିବାର ଲାଗିଛି । ଏଥିରୁ ବାଦ ପଡ଼ି ନାହାନ୍ତି ଡାକ୍ତର । ଗୋଟିଏ ହସ୍ପିଟାଲରେ ୪୦ ଜଣ ଡାକ୍ତର କରୋନାରେ ସଂକ୍ରମିତ ହୋଇଥିବା ଜଣାପଡ଼ିଛି। ସମସ୍ତ ଡାକ୍ତର କୋଭିଡର ଦୁଇଟି ଯାକ ଟିକା ନେଇଥିବା ସୂଚନା ରହିଛି। ସଂକ୍ରମିତ ହୋଇଥିବା ଡାକ୍ତର ଲକ୍ଷ୍ନୌର କିଙ୍ଗ ଜର୍ଜ ମେଡିକାଲ ବିଶ୍ୱବିଦ୍ୟାଳୟର। ଏବେ ଡାକ୍ତର ଅନେକ ରୋଗୀଙ୍କ ସଂସ୍ପର୍ଶରେ ଆସିଥିବା ଜଣାପଡ଼ିଛି । ଏହାକୁ ନେଇ ୟୁପି ସରକାର ଏବେ ଚିନ୍ତାରେ ପଡିଛନ୍ତି।

ମଙ୍ଗଳବାର କେଜିଏମୟୁ ବିଶ୍ୱବିଦ୍ୟାଳୟର କୁଳପତି ଡାକ୍ତର ବିପୀନ ପୁରୀ ସମେତ ମୋଟ ୪୦ ଜଣ ସଂକ୍ରମିତ ହୋଇଥିବା ଜଣାପଡ଼ିଛି। ଯେଉଁଥିରେ ସର୍ଜରୀ ବିଭାଗର ୨୦ ଜଣ ଡାକ୍ତର ଥିବାବେଳେ ୟୁରୋଲଜି ବିଭାଗର ୯ ଜଣ, କ୍ରିଟିକାଲ କେୟାର ମେଡିସିନ ବିଭାଗର ତିନି ଜଣ ଡାକ୍ତର ରହିଥିବାବେଳେ ଅନ୍ୟାନ୍ୟ କର୍ମଚାରୀ ଓ ଚିକିତ୍ସିକ କରୋନାରେ ସଂକ୍ରମିତ ହୋଇଥିବା ଜଣାପଡ଼ିଛି।