ଆଜିଠୁ ହୀରାଖଣ୍ଡ ସ୍ୱତନ୍ତ୍ର ଏକ୍ସପ୍ରେସ, ଦୁର୍ଘଟଣାରୁ ମିଳିବ ଆଶ୍ୱସ୍ତି

ଭୁବନେଶ୍ୱର(ବଡ଼ ଖବର ବ୍ୟୁରୋ): ଆଜିଠୁ ଭୁବନେଶ୍ୱର-ଜଗଦଲପୁର ହୀରାଖଣ୍ଡ ସ୍ୱତନ୍ତ୍ର ଏକ୍ସପ୍ରେସ ସନ୍ଧ୍ୟା ୬ଟାରେ ଗଡ଼ିବ । ଏହି ଅତ୍ୟାଧୁନିକ ନୂତନ ଏଲଏଚବି ର୍ୟକକୁ ନିଜେ କେନ୍ଦ୍ର ରେଳମନ୍ତ୍ରୀ ଅଶ୍ୱିନୀ ବୈଷ୍ଣବ ଶୁଭାରମ୍ଭ କରିଛନ୍ତି । ନୂଆଦିଲ୍ଲୀ ରେଳ ଭବନରୁ ଭିଡିଓ କନଫରେନ୍ସିଂ ମାଧ୍ୟମରେ ଏହାର ଶୁଭାରମ୍ଭ କରିଛନ୍ତି ଅଶ୍ୱିନୀ ବୈଷ୍ଣବ । ଯାତ୍ରୀଙ୍କୁ ଉତ୍ତମ ଓ ଆରାମଦାୟକ ସେବା ଯୋଗାଇବାକୁ ପୂର୍ବତଟ ରେଳପଥ ପାରମ୍ପରିକ କୋଚ ଗଚୁଡ଼ିକୁ ବଦଳାଇ ଅତ୍ୟାଧୁନିକ ଲିଙ୍କେ-ହୋଫମାନ-ବୁଶ କୋଚ କରାଯାଇଛି ।

ଦୁର୍ଘଟଣା ସମୟରେ କୋଚ ଉପରେ କୋଚ ନ ଚଢ଼ି ପାଖାପାଖି ହୋଇଯିବ । ଏହି କୋଚ ଗୁଡ଼ିକ ପୂର୍ବ କୋଚ ଭଳି ଓଳଟି ଯିବନି । ଏହାଛଡ଼ା ଏହି କୋଚ ଗୁଡ଼ିକର ରକ୍ଷଣାପେକ୍ଷଣା ଖର୍ଚ୍ଚ ମଧ୍ୟ କମ । ଏହି ସ୍ୱତନ୍ତ୍ର ହୀରାଖଣ୍ଡ ଏକ୍ସପ୍ରେସ ଆଜି ଭୁବନେଶ୍ୱରରୁ ବାହାରି ଆସନ୍ତା କାଲି ଜଗଦଲପୁରରୁ ଏଲଏଚବି କୋଚ ନେଇ ଯିବ ।