କୋଲକାତା(ବଡ଼ ଖବର): ଆଜି ହସ୍ପିଟାଲରୁ ଡିସଚାର୍ଜ ହୋଇଛନ୍ତି ଦାଦା । ଭାରତୀୟ କ୍ରିକେଟ ଦଳର ପୂର୍ବତନ ଅଧିନାୟକ ତଥା ବିସିସିଆଇ ଅଧ୍ୟକ୍ଷ ସୌରଭ ଗାଙ୍ଗୁଲି ଆଜି ଉଡଲାଣ୍ଡସ ହସ୍ପିଟାଲରୁ ଡିସଚାର୍ଜ ହୋଇଛନ୍ତି । ସୌରଭ ଗାଙ୍ଗୁଲି ଏବେ ସମ୍ପୂର୍ଣ୍ଣ ସୁସ୍ଥ ଅଛନ୍ତି । ଏହି ସୂଚନା ଦେଇଛନ୍ତି ଉଡଲ୍ୟାଣ୍ଡସ ହସ୍ପଟାଲର ସିଇଓ । ଗାଙ୍ଗୁଲିଙ୍କୁ ପ୍ରଥମେ ବୁଧବାର ଡାକ୍ତରଖାନାରୁ ଡିସଚାର୍ଜ କରାଯିବ ବୋଲି କୁହାଯାଉଥିଲା କିନ୍ତୁ ଡାକ୍ତାରଙ୍କ ପରାମର୍ଶ କ୍ରମେ ଗାଙ୍ଗୁଲିଙ୍କୁ ଆଜି ଡିସଚାର୍ଜ କରାଯାଇଛି । ସାମାନ୍ୟ ହୃଦଘାତ ପରେ ତାଙ୍କୁ ଶନିବାର କୋଲକାତାର ଉଡଲ୍ୟାଣ୍ଡସ ହସ୍ପିଟାଲରେ ଭର୍ତି କରାଯାଇଥିଲା । ଶନିବାର ଗାଙ୍ଗୁଲିଙ୍କର ଆଞ୍ଜିଓପ୍ଲାଷ୍ଟି କରାଯାଇଥିଲା । ଗାଙ୍ଗୁଲି ପୂର୍ବ ଅପେକ୍ଷା ଭଲ ଅଛନ୍ତି ବୋଲି କହିଛନ୍ତି ଉଡଲ୍ୟାଣ୍ଡସ ଡାକ୍ତରଖାନାର ସିିଇଓ । ହୃଦରୋଗ ବିଶେଷଜ୍ଞ ଡାକ୍ତର ଦେବୀ ଶେଟ୍ଟୀ ମଙ୍ଗଳବାର କହିଥିଲେ କି ଗାଙ୍ଗୁଲି ଏବେ ସମ୍ପୂର୍ଣ୍ଣ ଫିଟ ଅଛନ୍ତି । ତାଙ୍କୁ ଏବେ ଡାକ୍ତରଖାନାରୁ ଡିସଚାର୍ଜ କରାଯାଇପାରିବ । ସେ ଆହୁରି ମଧ୍ୟ କହିଛନ୍ତି କି ଏହ ଏକ ବଡ଼ ହୃଦଘାତ ନୁହେଁ । ଭବିଷ୍ୟତରେ ତାଙ୍କ ଜୀବନରେ କୌଣସି ପ୍ରଭାବ ପକାଇବ ନାହିଁ ।
