ସାବଧାନ ବାଘ ମାତିଛି

ନୂଆପଡ଼ା(ବଡ଼ ଖବର ବ୍ୟୁରୋ): ନୂଆପଡ଼ା ଜିଲ୍ଲା କୋମନା ବ୍ଲକର ଭରୁଅମୁଣ୍ଡା ଗାଁ ବିରସିଂପଡ଼ାରେ ବାଘ ମାତିବା ଖବର ସ୍ଥାନୀୟ ଅଞ୍ଚଳରେ ଆତଙ୍କ ଖେଳାଇଦେଇଛି । ଯୋଉଥି ପାଇଁକି ଗ୍ରାମବାସୀ ଭୟଭୀତ ହୋଇଯାଇଛନ୍ତି । ବୁଧବାର ରାତିରେ ବାଘ ଗାଁରୁ ୩ ଜଣଙ୍କର ଛେଳି,ବଳଦ ଓ ବାଛୁରୀକୁ ମାରି ଖାଇଥିବା ସୂଚନା ରହିଛି।

ସୂଚନା ଅନୁଯାୟୀ, ବିରସିଂପଡ଼ା ଗ୍ରାମର ନବୀନ ମାଝିଙ୍କ ଛେଳି ଓ ମେଣ୍ଢା,ବନବାସୀ ମାଝୀଙ୍କ ବଳଦ ଏବଂ ଡ଼ୋରାମଣୀ ମାଝିଙ୍କ ବାଛୁରୀକୁ ବାଘ ମାରି ଖାଇଯାଇଛି । ଖବର ପ୍ରଚାର ପରେ ବନ ବିଭାଗର ଏକ ଟିମ୍ ଗାଁରେ ପହଞ୍ଚି ଲୋକଙ୍କୁ ବୁଝାସୁଝା କରିଛି । ବାରମ୍ବାର ଏମିତି ବାଘ ଜନବସତୀ ଆଡକୁ ମୁହାଁଉଛି । ପୂର୍ବରୁ ହଳଦୀପଡା ଗାମରେ ଚିତା ବାଘ ରାତି ଅଧରେ ଘରେ ପଶି ଶୋଇଥିବା ଅବସ୍ଥାରେ ଛୋଟ ଶିଶୁକୁ ଟେକିନେଇ ମାରିଦେଇଥିବା ଖବର ଅଞ୍ଚଳବାସୀ ଏବେବି ଭୁଲି ନାହାନ୍ତି ।