ତୃଷ୍ଣା ମେଣ୍ଟାଇବାରେ ବିଫଳ ଟାଙ୍କି ପାଣି

ଗଞ୍ଜାମ (ବଡ଼ ଖବର ବ୍ୟୁରୋ) ଗ୍ରୀଷ୍ମ ପ୍ରବାହରେ ଓଡ଼ିଶା ସିଝୁଥିବା ବେଳେ ଜୀବନ ରକ୍ଷା ସକାଶେ ପିଇବା ପାଣି ନିତ୍ୟାନ୍ତ ଆବଶ୍ୟକ। ଆଉ ପାଣି ପାଇଁ ଗଞ୍ଜାମ ଜିଲ୍ଲା ଦିଗପହଣ୍ଡି ବ୍ଲକ ପଦ୍ମନାଭ ପୁର ଗ୍ରାମରେ ହାହାକାର ଡାକ ପଡ଼ିଲାଣି। ଦୀର୍ଘ ଏକ ସପ୍ତାହ ହେଲା ପିଇବା ପାଇଁ ପାଇବାରୁ ବଞ୍ଚିତ ହେଉଛନ୍ତି ଗ୍ରାମବାସୀ।ଏଥିଯୋଗୁଁ ବାଧ୍ୟ ହୋଇ ଶେଷରେ ରାସ୍ତା ଉପରେ ହାଣ୍ଡି ମାଠିଆ ରଖି ରାସ୍ତାରେ ବାଉଁଶ ବାନ୍ଧି ରାସ୍ତା ଅବରୋଧ କରି ପ୍ରତିବାଦ କରିଛନ୍ତି।

ବୋର ଗୁଡ଼ିକରେ ପ୍ରର୍ଯ୍ୟାପ୍ତ ପରିମାଣର ପାଣି ହେଉନାହିଁ। ତେଣୁ ଟାଙ୍କିକୁ ଆସୁଥିବା ପାଣି ଲୋକଙ୍କ ତୃଷ୍ଣା ମେଣ୍ଟାଇବାରେ ବିଫଳ ହୋଇଛି । ରାସ୍ତାରୋକ ଯୋଗୁଁ ଯାନବାହାନ ଚଳାଚଳ ଠପ ହୋଇଯାଇଛି। ଘଟଣାସ୍ଥଳରେ ପୋଲିସ ପ୍ରଶାସନ ପହଞ୍ଚି ଲୋକଙ୍କୁ ବୁଝାସୁଝା କରୁଥିବା ଦେଖିବାକୁ ମିଳିଛି। ସ୍ଥାନୀୟ ସରପଞ୍ଚ, ତହସିଲଦାର, ଥାନା ଅଧିକାରୀ ପହଂଚି ବହୁ ବୁଝା ସୁଝା ପରେ ପରିସ୍ଥିତି ସ୍ୱାଭାବିକ ହୋଇଛି ।