କଟକ (ବଡ଼ ଖବର ବ୍ୟୁରୋ): ଶକ୍ତିପୀଠରେ ଚାଲିଛି ମାଆଙ୍କ ଷୋଡ଼ଶ ଉପଚାର ପୂଜା । କଟକ ର ଆରାଧ୍ୟ ଦେବୀ ମାଆ କଟକଚଣ୍ଡୀ ଗାୟତ୍ରୀ ବେଶରେ ଦର୍ଶନ ଦେଉଥିବା ବେଳେ କଟକ ଇଷ୍ଟଦେବୀ ମା ଗଡ଼ଚଣ୍ଡୀ ମଧ୍ୟ ଗାୟତ୍ରୀ ବେଶରେ ଦର୍ଶନ ଭକ୍ତ ମାନଙ୍କୁ ଦର୍ଶନ ଦେଉଛନ୍ତି । ପୀଠରେ ମୂଳାଷ୍ଟମୀଠାରୁ ଆରମ୍ଭ ହୋଇାଯାଇଛି ସ୍ୱତନ୍ତ୍ର ପୂଜାର୍ଚ୍ଚନା । ନୀତିକାନ୍ତିରେ ପ୍ରତିନଦିନ ମାଆଙ୍କ ପୂଜା ହେଉଛି ।
କୋଭିଡ୍ କଟକଣାରେ ମାଆଙ୍କ ଦର୍ଶନ କରୁଛନ୍ତି ଶ୍ରଦ୍ଧାଳୁ । ସେପଟେ ମଣ୍ଡପରେ କାଲି ହେବ ମାଆଙ୍କ ଷଷ୍ଠୀ ପୂଜା । ଏଥିପାଇଁ ଚାଲିଛି ଜୋରଦାର ପ୍ରସ୍ତୁତି । ଆରମ୍ଭ ହୋଇସାରିଛି ଜଗତଜନନୀ ମା’ଦୁର୍ଗାଙ୍କ ପୂଜା। ୯ଦିନ ଧରି ପୂଜା ପାଇବେ ମା’। ମା’ଙ୍କ ଆଗମନରେ ଚଳଚଞ୍ଚଳ ଗାଁଠୁ ସହର। କିନ୍ତୁ ଚଳିତ ବର୍ଷ କରୋନା ପାଇଁ ଫିକା ପଡିଛି ଦଶହରା।
