ଘଣ୍ଟେଶ୍ୱର ଡ୍ରାଇଭର ମହାସଙ୍ଘର ଆନ୍ଦୋଳନ

ଭଦ୍ରକ (ବଡ଼ ଖବର ବ୍ୟୁରୋ): ୧୧ ଦଫା ଦାବି ନେଇ ଓଡ଼ିଶା ଡ୍ରାଇଭର ମହାସଙ୍ଘ ପକ୍ଷରୁ ରାଜ୍ୟବ୍ୟାପି ଆନ୍ଦୋଳନ ଆରମ୍ଭ ହୋଇଛି । ରାଜ୍ୟର ବିଭିନ୍ନ ସ୍ଥାନରୁ ସଙ୍ଘର ଲକ୍ଷାଧିକ ସଦସ୍ୟ ଶୁକ୍ରବାର ଭୁବନେଶ୍ୱର ଲୋୟର ପିଏମଜିରେ ପହଞ୍ଚି ରଣହୁଙ୍କାର ଦେଇଥିଲେ । ଏହି ଆନ୍ଦୋଳନରେ ଭଦ୍ରକ ଜିଲ୍ଳା ଚାନ୍ଦବାଲି ବ୍ଲକ ଘଣ୍ଟେଶ୍ୱର ଡ୍ରାଇଭର ସଂଙ୍ଘ ମଧ୍ୟ ସାମିଲ ହୋଇଥିଲା ।

ସଙ୍ଘର କର୍ମକର୍ତ୍ତା ଭୁବନେଶ୍ୱର ଯାଇ ରାଜ୍ୟବ୍ୟାପୀ ଆନ୍ଦୋଳନରେ ଯୋଗଦେଇ ଦାବି ଉପସ୍ଥାପନା କରିଥିଲେ । ସରକାର ସେମାନଙ୍କ ଦାବି ନଶୁଣିଲେ ଆଗାମୀ ଦିନରେ ମହାସଙ୍ଘର ନିଷ୍ପତ୍ତିକ୍ରମେ ଆନ୍ଦୋଳନକୁ ବ୍ୟାପକ କରାଯିବ ବୋଲି ଘଣ୍ଟେଶ୍ୱର ସଙ୍ଘ ପକ୍ଷରୁ ଚେତାବନୀ ଦିଆଯାଇଛି । ଏହି ଆନ୍ଦୋଳନରେ ଘଣ୍ଟେଶ୍ୱର ସଙ୍ଘର ବିଭିନ୍ନ ସଦସ୍ୟ ଆନ୍ଦୋଳନରେ ସାମିଲ ହୋଇଥିଲେ ।