ଆଜି ପୁଣି କୋର୍ଟରେ ହାଜର ହେବେ ଗୋପାଳ

ଝାରସୁଗୁଡା (ବଡ଼ ଖବର ବ୍ୟୁରୋ): ବହୁଚର୍ଚ୍ଚିତ ନବ ଦାସ ହତ୍ୟା ମାମଲାର ମୁଖ୍ୟ ଅଭିଯୁକ୍ତ ଗୋପାଳ ଦାସ ଆଜି ଝାରସୁଗୁଡା ଜିଲ୍ଲା ଦୌରା  ଜଜଙ୍କ କୋର୍ଟରେ ହାଜର ହେବେ । । ଏଥିପାଇଁ ଗତକାଲି ବିଳମ୍ବିତ ରାତିରୁ କଡ଼ା ସୁରକ୍ଷା ବଳୟ ମଧ୍ୟରେ ଗୋପାଳକୁ ଚୌଦ୍ୱାର ଜେଲ୍ ରୁ ଝାରସୁଗୁଡା ନିଆଯାଇଛି ।

ଗତ ୧୩ ତାରିଖରେ ଗୋପାଳକୁ ଝାରସୁଗୁଡା ଜେଏମ୍ଏଫ୍ସି କୋର୍ଟରେ ହାଜର କରାଯାଇଥିଲା । ଏହା ପରେ ମାମଲା ଉପର କୋର୍ଟ ତଥା ଝାରସୁଗୁଡା ଜିଲ୍ଲା ଦୌରା ଜଜଙ୍କ କୋର୍ଟକୁ ସ୍ଥାନାନ୍ତର କରାଯାଇଥିଲା । ଆଜି ଜିଲ୍ଲା ଜଜଙ୍କ କୋର୍ଟରେ ଗୋପାଳର ପ୍ରଥମ ହାଜିରା ହେବ ।