ହାଇକୋର୍ଟ ଗଲା ଗୋବିନ୍ଦ କୁମ୍ଭାର ମୃତ୍ୟୁ ମାମଲା

ଭୁବନେଶ୍ୱର(ବଡ଼ ଖବର ବ୍ୟୁରୋ): ହାଇକୋର୍ଟ ଗଲା ବରଗଡ଼ ଥାନା ଗୋବିନ୍ଦ କୁମ୍ଭାର ମୃତ୍ୟୁ ମାମଲା । ଗୋବିନ୍ଦଙ୍କୁ ପୋଲିସ ପିଟିପିଟି ମାରିଦେଇଥିବା ଅଭିଯୋଗକରି ହାଇକୋର୍ଟରେ ଏକ ଜନସ୍ୱାର୍ଥ ମାମଲା ଦାୟର କରିଛି ଭାରତୀୟ ବିକାଶ ପରିଷଦ । କେନ୍ଦ୍ର ଗୃହ ସଚିବ, ରାଜ୍ୟ ମୁଖ୍ୟ ଶାସନ ସଚିବ, ଗୃହ ବିଭାଗ ପ୍ରମୁଖ ସଚିବଙ୍କ ସହ ଡିଜିପି ଓଡ଼ିଶା, ର୍ଗଡ଼ ଏସପି ଓ ,ବରଗଡ଼ ଟାଉନ ଥାନା ଆଇଆଇସିଙ୍କୁ ପକ୍ଷଭୁକ୍ତ କରାଯାଇଛି ।

ଏହି ଘଟଣାର ସବିଆଇ ତଦନ୍ତ ଦାବି କରିବା ସହ ମୃତ ଗୋବିନ୍ଦଙ୍କ ପରିବାରକୁ ପଚାଶ ଲକ୍ଷ ଟଙ୍କାର ସହାୟତା ଦେବା ପାଇଁ କୋର୍ଟଙ୍କୁ ପ୍ରାର୍ଥନା କରିଛି ଭାରତୀୟ ବିକାଶ ପରିଷଦ । ପରିଷଦ ପକ୍ଷରୁ ଆଇନଜୀବି ଗୋପାଳ ପ୍ରସାଦ ଜେନା ଏହି ମାମଲାକୁ ପରିଚାଳନା କରୁଛନ୍ତି ।

ସେପ୍ଟେମ୍ବର ୨୪ ତାରିଖ ଦିନ ବରଗଡ଼ ଟାଉନ ଥାନା ପୋଲିସ ଏକ ଗଣ୍ଡୋଗଳା ମାମଲାରେ ଗୋନ୍ନଙ୍କୁ ଉଠାଇ ଆଣିଥିଲା । ସେପ୍ଟେମ୍ବର ୨୫ରେ ପୋଲିସ ହେପାଜାତରେ ଥାଇ ତାଙ୍କର ମୃତ୍ୟୁ ହୋଇଥିଲା । ଯାହାକୁ ନେଇ ବରଗଡ଼ରେ ତୁମୁଳାକାଣ୍ଡ ଘଟିଥିଲା । ପୋଲିସ ପିଟିପିଟି ଗୋବିନ୍ଦଙ୍କୁ ହତ୍ୟା କରିଥିବା ଅଭିଯୋଗ କରିଥିଲେ ଗୋବିନ୍ଦଙ୍କ ପରିବାର ।