ଶଙ୍ଖ ଧରିଲେ ଗୁଲମକ୍କି ହବିବ୍
ଭୁବନେଶ୍ୱର (ବଡ଼ ଖବର ବ୍ୟୁରୋ): ବିଜେଡିରେ ସାମିଲ ହେଲେ ଭଦ୍ରକ ପୌରାଧ୍ୟକ୍ଷା ଗୁଲମକ୍କି ହବିବ। ତାଙ୍କ ସହ ଶତାଧିକ କର୍ମୀଙ୍କ ମଧ୍ୟ ବିଜେଡିରେ ସାମିଲ ହୋଇଛନ୍ତି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକଙ୍କ ନୀତି ଆଦର୍ଶରେ ଅନୁପ୍ରାଣିତ ହୋଇ ସେ ବିଜେଡିରେ ସାମିଲ ହୋଇଛନ୍ତି । ୨୦୨୨ ପୌର ନିର୍ବାଚନରେ ସ୍ୱାଧୀନ ଭାବେ ଭଦ୍ରକରୁ ଜିତିଥିଲେ ଗୁଲମକ୍କି । ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ, ସଂଗଠନ ସମ୍ପାଦକ ପ୍ରଣବ ପ୍ରକାଶ ଦାସଙ୍କ ପକ୍ଷରୁ ସମସ୍ତଙ୍କୁ ଦଳକୁ ସ୍ୱାଗତ କରିଛନ୍ତି ।
ଭଦ୍ରକ ଜିଲ୍ଲା ବିଜେଡି ପର୍ଯ୍ୟବେକ୍ଷକ ସଞ୍ଜୟ ଦାସବର୍ମା କହିଛନ୍ତି ଗୁଲମୁଖୀ କେବେଳ ଜଣେ ଦୃଢ଼ ସଂଗଠକ ନୁହନ୍ତି, ଜଣେ ମୁସଲମାନ ମହିଳା ଯିଏ ବିପୁଳ ଭୋଟ ପାଇ ନିର୍ବାଚିତ ହୋଇଥିଲେ । କେବଳ ଭଦ୍ରକ ପୌର ପରିଷଦ ନୁହେଁ, ଲଢୁଆ ନେତ୍ରୀ ଭାବେ ସାରା ରାଜ୍ୟରେ ତାଙ୍କ ସୁନାମ ରହିଛି । ସାଂସଦ ସସ୍ମିତ ପାତ୍ର କହିଛନ୍ତି ଆଜି ବିଜୁ ପରିବାରକୁ ଗୁଲମୁଖୀ ଓ ତାଙ୍କୁ ସମର୍ଥକଙ୍କ ଯୋଗଦାନ ଜଣାଉଛି ମୁଖ୍ୟମନ୍ତ୍ରୀଙ୍କ ଧର୍ମ ନିରପେକ୍ଷତା ଓ ଭିଜନ ୨୦୩୬ ରେ ବଡ଼ ଅବଦାନ ରହିବ । ନବୀନ ପଟ୍ଟନାୟକ ମହିଳା ସଶକ୍ତିକରଣରେ ବିଶ୍ୱାସ କରନ୍ତି ।