ଆଇସକ୍ରିମ କାଠିରେ ଝୁଲଣ ଦୋଳି

ପୁରୀ(ବଡ଼ ଖବର ବ୍ୟୁରୋ): ପୁରୀ ମରଚିକୋଟ ଲେନ ସ୍ଥିତ ମୋହନସୁନ୍ଦର ଦେବଗୋସ୍ୱାମୀ ମଠ । ଦେବଗୋସ୍ୱାମୀ ଦିନେ ଥିଲେ ଓଡ଼ିଶାର ପ୍ରଥମ ଚଳଚିତ୍ରର ସ୍ରଷ୍ଟା ଓ କଳାକାର । ଆଜି ସେ ଆଉ ନାହାନ୍ତି । ସ୍ମୃତି ରହିଛି ତାଙ୍କ ମଠ । ଆଉ ଏ ମଠରେ ଆଜି କିଛି ଛୋଟ କଳାକାର ମାନଙ୍କର ସାରସ୍ୱତ କୃତି ଦେଖିବାକୁ ମିଳିଛି ।

ଝୁଲଣ ଯାତ୍ରା ପାଇଁ ୨୪ ବର୍ଷୀୟା ସୁସ୍ମିତା ପଟ୍ଟନାୟକ ଓ ତାଙ୍କ ସାନ ଭଉଣୀ ୧୬ ବର୍ଷୀୟା ନନ୍ଦିନୀ ଏବଂ ସବା ସାନ ଭାଇ ୧୨ ବର୍ଷୀୟ ରାହୁଲ ପ୍ରସ୍ତୁତ କରିଛନ୍ତି ଆଖି ଝଲସିଲା ଭଳି ବିରଳ ଝୁଲଣ ଦୋଳି । ୧୦୦୦୦ ଆଇସକ୍ରିମ କାଠି, କାର୍ଡବୋର୍ଡ ଓ ଝିଲିମିଲି ଷ୍ଟୋନ ସାହାଯ୍ୟରେ ବନେଇଛନ୍ତି ଏହି ବିରଳ କୃତିତ୍ୱ । ୫ ଦିନର ଅକ୍ଲାନ୍ତ ପରିଶ୍ରମ ଏ ପିଲାଙ୍କୁ ଦେଇଛି ସଫଳତା । ପରବର୍ତ୍ତୀ ସମୟରେ ଲିମ୍କା ବୁକ ଅଫ ରେକର୍ଡରେ ସ୍ଥାନ ପାଇବାକୁ ଆଶା ରଖିଛନ୍ତି ।