ଫେବୃଆରୀ ଆରମ୍ଭରୁ ପ୍ରଚଣ୍ଡ ତାତି

ଭୁବନେଶ୍ୱର(ବଡ଼ ଖବର ବ୍ୟୁରୋ): ଫେବୃଆରୀ ଆରମ୍ଭରୁ ପ୍ରଚଣ୍ଡ ତାତି । ଆଗକୁ ଆହୁରି ତାତି ବଢିବା ନେଇ ଅନୁମାନ କରାଯାଉଛି । ରାଜଧାନୀରେ ୪ ଦିନର ତାପମାତ୍ରା ୩୫ ଡିଗ୍ରୀ ଡେଇଁଛି । ସକାଳ ୮ଟାରୁ ଏପି୍ରଲ ମେ ମାସ ଭଳି ଖରା ହେଉଛି । ଏହାକୁ ନେଇ ପାଣିପାଗ ବିଶେଷଜ୍ଞ ମାର୍ଚ୍ଚରେ ପାରଦ ୪୨ରୁ ୪୩ ଡିଗ୍ରୀ ଛୁଇଁବ ବୋଲି ଅନୁମାନ କରିଛନ୍ତି । ଗତ ୪ ମାସ ହେଲା ବର୍ଷା ନାହିଁ । ଫଳରେ ମାଟିର ଆର୍ଦ୍ରତା କମ ଥିବାରୁ ତଥା ମାଟି ଶୁଖିଲା ଯୋଗୁଁ ତାପମାତ୍ରା ଖୁବ ଅଧିକ ରହିଛି । ସେହିପରି ବାୟୁମଣ୍ଡଳରେ ଆର୍ଦ୍ରତା କମ ଯୋଗୁଁ ତାତି ବଢୁଛି । ଅନ୍ୟପଟେ ଚଳିତ ବର୍ଷ ଲା-ନିନା ନିଷ୍କ୍ରିୟ ହୋଇ ଏଲ-ନିନୋ ସକ୍ରିୟ ହେଉଥିବାରୁ ଦେଶର ପାଗ ଏଥର ଉଷ୍ଣ ରହିବ । ବର୍ଷା କମ ଓ ଗରମ ଅଧିକ ରହିବ ବୋଲି ଆଇଏମଡି ସୂଚନା ଦେଇଛି ।