ମୁହଁ ଖୋଲିଲେ ଜେଲ: ସନ୍ତୋଷ ସିଂ ସାଲୁଜା
ଭୁବନେଶ୍ୱର (ବଡ଼ ଖବର ବ୍ୟୁରୋ): ଓଡ଼ିଶାରେ ହିଟଲରି ଶାସନ ଚାଲିଛି । ଏ ସରକାରର ଗୋଟେ ଟ୍ରେଣ୍ଡନସି ହୋଇଛି ଯେଉଁମାନେ ସରକାର ବିରୁଦ୍ଧରେ କହୁଛନ୍ତି, ତାଙ୍କ ପୁରୁଣା କେସ ବାହାର କରାଯାଉଛି । ତାଙ୍କ ଘରେ ରେଡ଼ କରାଯାଉଛି । ତାଙ୍କ ପରିବାର ଲୋକଙ୍କ ବିରୋଧରେ ଛୋଟ ମୋଟ ଘଟଣାରେ ୩୦୭ ଭଳି ଦଫା ଲଗା ଯାଉଛି । ତାଙ୍କୁ ବାଧ୍ୟ କରାଯାଉଛି ମାସ ମାସ ଜେଲରେ ରହିବାକୁ । ଏ ସରକାର ଓଡ଼ିଶାରେ ହିଟଲରି ଶାସନ ଚଳାଇଛନ୍ତି । ଜନ ସାଧାରଣଙ୍କୁ ଦମନ କରିବାକୁ ଚାହୁଁଛନ୍ତି । ଜଗନ୍ନାଥଙ୍କ ମାଟିର ଲୋକେ ୟାକୁ କେବେ ବରଦାସ୍ତ କରିବେନି । ନବ ଦାସ ହତ୍ୟାକାଣ୍ଡରେ ଏସଆଇଟି ତଦନ୍ତ କଂଗ୍ରେସର ଦାବି ରହିଛି ।
ସରକାର କ୍ରାଇମବ୍ରାଞ୍ଚକୁ ଢାଲ କରି କେସକୁ ଚପାଇ ଦେବାକୁ ଚେଷ୍ଟା କରୁଛନ୍ତି । କ୍ରାଇମବ୍ରାଞ୍ଚ ଟ୍ରାକ ରେକର୍ଡ ବହୁତ ଖରାପ । କ୍ରାଇମବ୍ରାଞ୍ଚ ୧୮୯ କେସରେ ତଦନ୍ତ କରିଥିବା ବେଳେ ୬୩ ରୁ ଉର୍ଦ୍ଧ୍ବ କେସରେ ଚାର୍ଜସିଟ ବି ଦେଇ ପାରିନି । ମାତ୍ର ୩୩ ପ୍ରତିଶତ କେସରେ ହିଁ ଚାର୍ଜ ସିଟ ଦେଇଛି । କେମିତି କ୍ରାଇମବ୍ରାଞ୍ଚକୁ ବିଶ୍ଵାସ କରାଯାଇ ପାରିବ ? ଗୃହରାଷ୍ଟ୍ର ମନ୍ତ୍ରୀ କହିଲେ ଷଡ଼ଯନ୍ତ୍ର ହୋଇଛି, ତେବେ ସେ ଦିଗରେ ଦଫା ଲାଗିନି କି ତଦନ୍ତ ହେଉନି । ବିଧାନସଭାର ଦ୍ୱିତୀୟ ପର୍ୟ୍ୟାୟରେ କଂଗ୍ରେସ ନବ ଦାସଙ୍କ ପ୍ରସଙ୍ଗକୁ ଆହୁରି ଜୋରସୋର କରି ଉଠେଇବ ବୋଲି କେଂଗ୍ରେସ ବିଧାୟକ ସନ୍ତୋଷ ସିଂ ସାଲୁଜା ।