ଚାକିରୀରୁ ଛଟେଇ ପ୍ରତିବାଦ, ଆନ୍ଦୋଳନକୁ ଓହ୍ଲାଇଲେ ଡାକ୍ତରଖାନା ସଫେଇ କର୍ମଚାରୀ

ଆନନ୍ଦପୁର (ବଡ଼ ଖବର ବ୍ୟୁରୋ): ଚାକିରୀରୁ ଛଟେଇ ପ୍ରତିବାଦରେ କାର୍ଯ୍ୟବନ୍ଦ ଆନ୍ଦୋଳନକୁ ଓହ୍ଲାଇଲେ ଡାକ୍ତରଖାନା ସଫେଇ କର୍ମଚାରୀ ।  ପରିମଳ ସେବା ବାଧାପ୍ରାପ୍ତ । ଆନନ୍ଦପୁର ଉପଖଣ୍ଡ ମୁଖ୍ୟ ଚିକିତ୍ସାଳୟ ଠାରେ ଆଜି ସଫେଇ କର୍ମଚାରୀ ମାନେ ଆନ୍ଦୋଳନକୁ ଓହ୍ଲାଇଛନ୍ତିା   ଠିକା ସଂସ୍ଥାର ଏଜେନ୍ସି ମାଧ୍ୟମରେ  ଏଠାରେ ୨୬ ଜଣ ସଫେଇ କର୍ମଚାରୀ ୧୦ ବର୍ଷରୁ ଅଧିକ ସମୟହେବ କାମକରି ଆସୁଛନ୍ତି । ହେଲେ ଗତମାସ ପୁରୁଣା ଏଜେନ୍ସିର ଟେଣ୍ଡର ଅବଧି  ସରିଥିବାବେଳେ ବିଭାଗ ତରଫରୁ ନୂଆ ଟେଣ୍ଡର ଡକାଯାଇ ନୁଆଁ ଏକ ଏଜେନ୍ସିକୁ କାମ ମିଳିଛି ।

ନୂଆକରି କାମ ପାଇଥିବା କ୍ୟାପିଟାଲ ନାମକ ଏଜେନ୍ସି ଏବେ ଏହି କର୍ମଚାରୀ ମାନଙ୍କୁ ସେମାନଙ୍କ ୭ମ ପାସର ଶିକ୍ଷାଗତ ଯୋଗ୍ୟତା ଓ ମାର୍କସିଟ୍ ମାଗୁଛି ପ୍ରମାଣ ପତ୍ର ମାଗୁଛି । ପ୍ରମାଣ ପତ୍ର ନଦେଇପାରିବାରୁ ୮ଜଣ କର୍ମଚାରୀ ଙ୍କୁ ଛଟେଇ କରିଛି ଏଜେନ୍ସି । ଫଳରେ ଛଟେଇ କର୍ମଚାରୀଙ୍କ ସମର୍ଥନରେ ବାହାରି  ଆଜି ସମସ୍ତ ସଫେଇ କାର୍ଯ୍ୟବନ୍ଦ କରି ଆନ୍ଦୋଳନକୁ ଓହ୍ଲାଇବାରୁ ମେଡିକାଲ ପରିଷରରେ ପରିମଳ ବ୍ୟବସ୍ଥାରେ ଦେଖାଦେଇଛି ଅଚଳାବସ୍ଥା । କର୍ମଚାରୀଙ୍କ ସ୍ବାର୍ଥକୁ ଦୃଷ୍ଟିରେ ରଖି ଛଟେଇ କର୍ମଚାରୀଙ୍କୁ ତୁରନ୍ତ ପୁର୍ନ୍ନନିଯୁକ୍ତି ପାଇଁ ଦାବି ହୋଇଛି । ହେଲେ ଏ ସମ୍ପର୍କରେ ମେଡିକାଲ କର୍ତୁପକ୍ଷ କିମ୍ବା ଏଜେନ କର୍ତ୍ତୁପକ୍ଷ ଙ୍କ ପ୍ରତିକ୍ରିୟା ମିଳିପାରି ନାହିଁ ।