‘ମୁଁ ଇସ୍ତଫା ଦେବି ନାହିଁ’

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବଢିବାରେ ଲାଗିଛି ବ୍ରିଜ ଭୂଷଣଙ୍କ ଅଡ଼ୁଆ । ଶୁକ୍ରବାର ତାଙ୍କ ନାଁରେ ୨ ଟି ମାମଲା ରୁଜୁ ହୋଇଛି । ଏବେ ପ୍ରତିକ୍ରିୟା ରଖିଛନ୍ତି ବ୍ରିଜ ଭୂଷଣ ଶରଣ ସିଂ । ସେ କହିଛନ୍ତି ମୁଁ ସମ୍ପୂର୍ଣ୍ଣ ନିର୍ଦ୍ଦୋଷ। ମୁଁ ଅପରାଧୀ ନୁହେଁ । ଖେଳାଳିମାନଙ୍କ ଦାବି ବଢିବାରେ ଲାଗିଛି । ଖେଳାଳିମାନେ ମୋର ଇସ୍ତଫା ଦାବି କରୁଛନ୍ତି । ଇସ୍ତଫା ଦେବା ବଡ଼ କଥା ନୁହେଁ । ଇସ୍ତଫା ଦେବା ଅର୍ଥ ଅଭିଯୋଗ ଗ୍ରହଣ କରିବା ।

ଯେହେତୁ ମୁଁ ଅପରାଧୀ ନୁହେଁ ମୁଁ ଇସ୍ତଫା ଦେବି ନାହିଁ । ସୁପ୍ରିମକୋର୍ଟଙ୍କ ନିର୍ଦ୍ଦେଶ ପରେ କନ୍ନଟ ପ୍ଲେସ ଥାନାରେ ବ୍ରିଜଭୂଷଣଙ୍କ ବିରୋଧରେ ୨ଟି ଏଫଆଇଆର ରୁଜୁ କରିଛି ଦିଲ୍ଲୀ ପୁଲିସ୍ । ଗୋଟିଏ ଏଫଆଇଆର ପକସୋ ଆକ୍ଟରେ କରାଯାଇଛି । ଅନ୍ୟଟି କୁସ୍ତି ଯୋଦ୍ଧାଙ୍କ ଆଧାରରେ ହୋଇଛି । ବ୍ରିଜଭୂଷଣଙ୍କ ବିରୋଧରେ ଆସିଥିବା ଅଭିଯୋଗର ତଦନ୍ତ କରାଯିବ ବୋଲି ଶୁକ୍ରବାର ଦିଲ୍ଲୀ ପୁଲିସ ସୂଚନା ଦେଇଛି।