ବିଦ୍ୟୁତ ଆଘାତରେ ୬ ମଇଁଷି ମୃତ
ନୀଳଗିରି (ବଡ଼ ଖବର ବ୍ୟୁରୋ): ଫାର୍ମ ହାଉସ ଚାରିପଟେ ତାରଜାଲିରେ ବିଦ୍ୟୁତ ସଂଯୋଗ କରିବା ହେଲା କାଳ । ଅକାରଣରେ ଚାଲିଗଲା ୬ ମଇଁଷିଙ୍କ ପ୍ରାଣ । ନୀଳଗିର ଥାନା ଖୁମକୁଟ ଅଞ୍ଚଳରେ ଘଟିଛି ଘଟଣା । ଖୁମକୁଟ ଅଞ୍ଚଳର ଶୁଭ ଜେନା ନାମକ ଜଣେ ବ୍ୟକ୍ତି ଜୀବଯନ୍ତୁଙ୍କୁ ଆକଟ କରିବା ପାଇଁ ତାଙ୍କ ଫାର୍ମ ଚାରିପାଖେ ତାରଜାଲି ବିଛାଇ ସେଥିରେ ବିଦ୍ୟୁତ ସଂଯୋଗ କରିଥିଲେ । ଗତକାଲି ବିଦ୍ୟୁତ ସଂସ୍ପର୍ଶରେ ଆସି ୬ ମଇଁଷିଙ୍କ ମୃତ୍ୟୁ ଘଟିଛି ।