କାବୁଲ ଛାଡ଼ିବାକୁ ଅମଙ୍ଗ ପୂଜକ

(ବଡ଼ ଖବର ବ୍ୟୁରୋ): ଠାକୁରଙ୍କ ସେବା ପାଇଁ ନିଜ ଜୀବନକୁ ଖାତିର କଲେନି ମନ୍ଦିର ପୂଜକ । କାବୁଲ ଛାଡ଼ିବାକୁ ରାଜିନାହାନ୍ତି ପୂଜକ । ସେ କହିଛନ୍ତି ଯଦି ତାଲିବାନ ହାତରେ ନିଜକୁ ମରିବାକୁ ହୁଏ ତେବେ ସେ ଏହାକୁୁ ଠାକୁରଙ୍କ ସେବା ବୋଲି ଭାବିନେବେ । କାବୁଲକୁ ତାଲିବାନ କବଜା କରିବା ପରେ ଅଫଗାନିସ୍ତାନର ସ୍ଥିତି ଅଧିକ ଭୟାବହ ହୋଇଛି ।

୨୦ ବର୍ଷ ପରେ ତାଲିବାନ ଶାସନ ଫେରିବା ଡରରେ ଜୀବନ ବଂଚାଇବା ପାଇଁ ହଜାର ହଜାର ଲୋକ ଅଫଗାନିସ୍ତାନ ଛାଡ଼ୁଛନ୍ତି । କିନ୍ତୁ ସେଠାରେ ଥିବା ଜଣେ ମନ୍ଦିର ପୂଜକ କାବୁଲ ଛାଡ଼ିବାକୁ ମନାକରିଦେଇଛନ୍ତି । ରତନନାଥ ମନ୍ଦିରରେ ଥିବା ପୂଜକ ପଣ୍ଡିତ ରାଜେଶ କୁମାର ମନ୍ଦିର ଛାଡ଼ି କୁଆଡ଼େ ଯିବେ ନାହିଁ ବୋଲି ସ୍ପଷ୍ଟ କରିଛନ୍ତି।