ସରକାର ଯଦି ନିଜେ ବ୍ୟବସାୟୀ ହେବା ପାଇଁ ଚେଷ୍ଟା କରିବେ ତାହେଲେ ତାହାର ଫଳାଫଳ ଖରାପ ହେବ: ପୃଥ୍ୱୀରାଜ ହରିଚନ୍ଦନ
ଭୁବେନେଶ୍ୱର (ବଡ଼ ଖବର ବ୍ୟୁରୋ):ରାଜ୍ୟବ୍ୟାପୀ ବସ ଧର୍ମଘଟ ଡାକରା ପ୍ରସଙ୍ଗରେ ବିଜେପିର ପ୍ରତିକ୍ରିୟା ।ପ୍ରତିକ୍ରିୟା ରଖିଛନ୍ତି ବିଜେପି ନେତା ପୃଥ୍ୱୀରାଜ ହରିଚନ୍ଦନ । ସେ କହିଛନ୍ତି, ଯଦି ରିହାତି ଦରରେ ବସ ଚଳାଇବାର ଅଛି, ତେବେ ସେଥିରେ ଘରୋଇ ବସ୍ ମାଲିକ ସଂଘକୁ ସରକାର ସାମିଲ କରିବାର ଥିଲା । କାରଣ ସରକାର ବ୍ୟବସାୟୀ ନୁହନ୍ତି । ସରକାରଙ୍କ କାମ ହେଉଛି ଶାସନ ବ୍ୟବସ୍ଥାକୁ ସମ୍ଭାଳିବା ଏବଂ ବ୍ୟବସାୟୀଙ୍କ କାମ ହେଉଛି ବ୍ୟବସାୟ କରିବା । ସରକାର ଯଦି ନିଜେ ବ୍ୟବସାୟୀ ହେବା ପାଇଁ ଚେଷ୍ଟା କରିବେ ତାହେଲେ ତାହାର ଫଳାଫଳ ଖରାପ ହେବ ।
ରିହାତି ଦରରେ ଟିକେଟ କରି ସେହି ପଇସାକୁ ଘରୋଇ ମାଲିକଙ୍କୁ ଦେଇଥିଲେ ସରକାରଙ୍କର କିଛି ଅସୁବିଧା ହୋଇନଥାନ୍ତା । କିନ୍ତୁ ଆଗକୁ ନିର୍ବାଚନ ଥିବା କାରଣରୁ ସରକାର ତରବରିଆ ଭାବରେ ଏଭଳି ନିଷ୍ପତି ନେଇଛନ୍ତି । ତେଣୁ ଏହି ନିଷ୍ପତିର ପୁନର୍ବିଚାର କରିବାର ଆବଶ୍ୟକତା ଅଛି । ନହେଲେ ଓଡ଼ିଶାର ବସ ଟ୍ରାନ୍ସପୋର୍ଟ ସିଷ୍ଟମକୁ ଗଭୀର କୁଠାରାଘାତ ହେବ । ଅନେକ ଲୋକ ତାଙ୍କର ଜୀବନ ଜୀବିକା ହରାଇବାର ଆଶଙ୍କା ମଧ୍ୟ ସୃଷ୍ଟି ହେଉଛି ।