କବିସୁର୍ଯ୍ୟନଗରରେ ବୋମାମାଡ ଓ ଦୁଇ ଯୁବକଙ୍କୁ ମରଣାନ୍ତକ ଆକ୍ରମଣ

ଆସିକା(ବଡ଼ ଖବର ବ୍ୟୁରୋ); ଗଞ୍ଜାମ ଜିଲ୍ଲା କବି ସୁର୍ଯ୍ୟନଗର ସହରର ମୁଖ୍ୟ ବଜାର ଉପରେ ଗତକାଲି ରାତି ପ୍ରାୟ ୯ଟା ବେଳେ ବୋମାମାଡ ସହ ଆକ୍ରମଣ ହୋଇଛି । ଏହି ଆକ୍ରମଣରେ ଦୁଇଜଣ ଗୁରୁତର ହୋଇ ବ୍ରହ୍ମପୁର ମେଡିକାଲରେ ଚିକିତ୍ସିତ ହେଉଛନ୍ତି । ଆହତ ଦୁଇଜଣ ସଂପର୍କରେ ଦାଦାପୁଅ ଭାଇ ସୀମାଚଂଳ ଗୌଡ ଓ ସୁଶାନ୍ତ ଗୌଡ ବୋଲି ସୂଚନା ମିଳିଛି ।

ଆକ୍ରମଣର କାରଣ ଏଯାଏଁ ଜଣା ପଡି ନାହିଁ । ଆକ୍ରମଣକାରୀମାନେ ଫେରାର ଥିବା ବେଳେ କବି ସୂର୍ଯ୍ୟନଗର ତେଲିସାହି ଓ ବାଙ୍କି ବେହେରା ସାହିରେ ୪ରୁ ଅଧିକ ବୋମା ମାଡ କରିଥିବା ସୂଚନା ମିଳିଛି । ପୋଲିସ ଘଟଣା ସ୍ଥଳରେ ପହଞ୍ଚି ଏକ ମାମଲା ରୁଜୁ କରିବା ସହ ଘଟଣାର ତଦନ୍ତ କାର୍ଯ୍ୟ ଆରମ୍ଭ କରିଥିବା ଜଣାପଡିଛି ।