ଭୁବନେଶ୍ୱର(ବଡ଼ ଖବର ବ୍ୟୁରୋ):ବିରୋଧୀଙ୍କୁ ନବୀନ ଜନ ବିରୋଧୀ ଆକ୍ଷେପ ପରେ କେନ୍ଦ୍ର ମନ୍ତ୍ରୀ ଅନୁରାଗ ସିଂ ଠାକୁର ରଖିଥିବା କଡ଼ା ଜବାବର ଉତ୍ତର ରଖିଲେ ଯୋଜନା ସଂଯୋଜନା ମନ୍ତ୍ରୀ ରାଜେନ୍ଦ୍ର ଢୋଲକିଆ । କହିଛନ୍ତି, ଆଠ ଦିନ ହେଲା ବିଧାନସଭା ଚଳାଇ ଦେଉନାହାନ୍ତି ବିରୋଧୀ, ଏହା କଣ ଜନ ବିରୋଧୀ ନୁହେଁ କି? ଲୋକଙ୍କ ସମସ୍ୟାକୁ ଆଲୋଚନା କରିବା ଲାଗି ବ୍ୟବସ୍ତା ଅଛି କାହିଁକି ଆଲୋଚନା କରୁନାହାନ୍ତି, ଏହା କଣ ଜନ ବିରୋଧୀ ନୁହେଁ କି? ଗୃହ ମଧ୍ୟ ଭାଗକୁ ଆସି ଗୃହ ଚଳାଇ ନ ଦେବାକୁ ଜନ ବିରୋଧୀ କୁହାଯିବ। ଏଥିରୁ ସ୍ପଷ୍ଟ ସେମାନେ ଲୋକଙ୍କୁ ବିରୋଧ କରୁଛନ୍ତି। ଯେଉଁମାନେ ବିକାଶକୁ ଅଟକାଉଛନ୍ତି ସେମାନେ ଜନ ବିରୋଧୀ କି ନୁହେଁ ତାହା ୨୦୨୪ ରେ ପ୍ରମାଣିତ ହେବ ।
