ଦ୍ୱିତୀୟ ରାଉଣ୍ଡରେ ୨୫୦୦ ଭୋଟରେ ଦିଦି ଆଗୁଆ

ଭବାନୀପୁର (ବଡ଼ ଖବର ବ୍ୟୁରୋ): ଜାରି ରହିଛି ପଶ୍ଚିମବଙ୍ଗରେ ଭୋଟ ଗଣତି । ପୋଷ୍ଟାଲ ବାଲାଟ ଭୋଟ ଗଣତି ଶେଷ ହୋଇଛି । ମମତା ପ୍ରଥମ ରାଉଣ୍ଡରେ ୭୭୫ ଭୋଟରେ ଆଗୁଆ ଥିବାବେଳେ ଦ୍ୱିତୀୟ ରାଉଣ୍ଡରେ ୨୫୦୦ ଭୋଟରେ ଆଗୁଆ ରହିଛନ୍ତି । ବାଜିରେ ଦିଦିଙ୍କ ମୁଖ୍ୟମନ୍ତ୍ରୀ ପଦ ।

ଭବାନୀପୁର ଉପନିର୍ବାଚନ ଫଳାଫଳ ଉପରେ ସମସ୍ତଙ୍କ ନଜର । କଡ଼ା ସୁରକ୍ଷା ମଧ୍ୟରେ ସକାଳ ୮ରୁ ଚାଲିଛି କାଉଣ୍ଟିଂ। ଏଠି ବିଜେପି ପ୍ରାର୍ଥୀ ପ୍ରିୟଙ୍କା ଟିବରୱାଲଙ୍କ ସହ ମମତାଙ୍କ ଲଢେଇ । ଗତ ୩୦ ତାରିଖରେ ଏଠାରେ ମତଦାନ ହୋଇଥିଲା । ତେବେ ମମତା ବାନାର୍ଜୀ ୫୦ ହଜାର ଭୋଟରେ ଜିତିବେ ବୋଲି ତୃଣମୂଳ କଂଗ୍ରେସ ଦାବି କରିଛି ।