୫ଦିନିଆ ଆମେରିକା ଗସ୍ତରେ ଏସ. ଜୟଶଙ୍କର, କରିବେ ଗୁରୁତ୍ୱପୂର୍ଣ୍ଣ ଆଲୋଚନା
ନୂଆଦିଲ୍ଲୀ(ବଡ଼ ଖବର ବ୍ୟୁରୋ): ନ୍ୟୁୟର୍କରେ ପହଞ୍ଚିଲେ କେନ୍ଦ୍ର ବୈଦେଶିକ ବ୍ୟାପାର ମନ୍ତ୍ରୀ ଏସ. ଜୟଶଙ୍କର । ଯୁକ୍ତରାଷ୍ଟ୍ର ଆମେରିକାର ବରିଷ୍ଠ ଅଧିକାରୀ ମାନଙ୍କୁ ସାକ୍ଷାତ କରିବାର କାର୍ଯ୍ୟକ୍ରମ ରହିଛି । ଏଥିରେ ଭାରତକୁ କୋଭିଡ଼ ସମ୍ବନ୍ଧୀୟ ସହଯୋଗ ବିଷୟରେ ଆଲୋଚନା କରାଯିବ । ଭାରତ ଜାତିସଂଘ ନିରାପତ୍ତା ପରିଷଦରେ ଯୋଗ ଦେବା ପରେ ପ୍ରଥମ ଥର ନ୍ୟୁୟର୍କ ଗସ୍ତ କରିଥିବା ବୈଦେଶିକ ବ୍ୟାପାର ମନ୍ତ୍ରୀ ଜୟଶଙ୍କର ନ୍ୟୁୟର୍କ ଗସ୍ତ କରିଛନ୍ତି । ଭାରତର ରାଷ୍ଟ୍ରଦୂତ ଟିଏସ୍ ତିରୁମୂର୍ତ୍ତି ଟ୍ୱିଟ କରି ଲେଖିଛନ୍ତି, ୨୦୨୧ ଜାନୁଆରି ୧ ତାରିଖ ଦିନ ଭାରତ ଜାତିସଂଘର ନିରାପତ୍ତା ପରିଷଦରେ ପ୍ରବେଶ କରିବା ପରେ ପ୍ରଥମ ନ୍ୟୁୟର୍କ ଗସ୍ତରେ ଆସିଥିବା ବୈଦେଶିକ ବ୍ୟାପାର ମନ୍ତ୍ରୀ ଡକ୍ଟର୍ ଏସ୍. ଜୟଶଙ୍କରଙ୍କୁ ସ୍ବାଗତ କରିବାର ସୁଯୋଗ ପାଇ ଆନନ୍ଦିତ।
ମେ ୨୮ ତାରିଖ ପର୍ୟ୍ୟନ୍ତ ବୈଦେଶିକ ବ୍ୟାପାର ମନ୍ତ୍ରୀ ଯୁକ୍ତରାଷ୍ଟ୍ର ଆମେରିକା ଗସ୍ତରେ ରହିବେ ବୋଲି ଗତ ସପ୍ତାହରେ ବୈଦେଶିକ ବ୍ୟାପାର ମନ୍ତ୍ରାଳୟ କହିଥିଲା। ତେବେ ନ୍ୟୁୟର୍କରେ ଜୟଶଙ୍କର ଜାତିସଂଘର ମହାସଚିବ ଆଣ୍ଟୋନିଓ ଗୁଟେରେସଙ୍କୁ ଭେଟିବା ପରେ ୱାସିଂଟନ୍ ଡିସିରେ ଆମେରିକାର ବୈଦେଶିକ ମନ୍ତ୍ରୀ ଆଣ୍ଟୋନି ବ୍ଲିଙ୍କେନଙ୍କୁ ସାକ୍ଷାତ କରି ବିଭିନ୍ନ ପ୍ରସଙ୍ଗରେ ଆଲୋଚନା କରିବେ। ଏହାସହ ଦ୍ୱିପାକ୍ଷିକ ସର୍ମ୍ପ ଦାୟିତ୍ୱ ନିର୍ବାହ କରୁଥିବା କ୍ୟାବିନେଟ ସଦସ୍ୟ ଏବଂ ପ୍ରଶାସନର ବରିଷ୍ଠ ଅଧିକାରୀମାନଙ୍କୁ ମଧ୍ୟ ଭେଟିବାର କାର୍ଯ୍ୟକ୍ରମ ରହିଛି ।