ନାବାଳିକାକୁ ମାଡ଼ ମାରିବା ଘଟଣା, ଆଉ ୭ ଗିରଫ
ନବରଙ୍ଗପୁର(ବଡ଼ ଖବର ବ୍ୟୁରୋ): ନବରଙ୍ଗପୁର ଜିଲ୍ଲା କୁନ୍ଦେଇ ଥାନା ଅଞ୍ଚଳରେ ଜଣେ ନାବାଳିକାକୁ ଟଙ୍କା ଚୋରି ଅଭିଯୋଗରେ ଖୁଣ୍ଟରେ ବାନ୍ଧି ଜୋତା ମାଳ ପିନ୍ଧେଇବା ଓ ମାଡ଼ ମାରିବା ଘଟଣାରେ ପୋଲିସର ଦୃଢ଼ କାର୍ଯ୍ୟାନୁଷ୍ଠାନ । ଏହି ଘଟଣାରେ ପୋଲିସ ଚାରି ଜଣଙ୍କୁ ଗିରଫ କରି କୋର୍ଟ ଚାଲାଣ କରିଥିବା ବେଳେ ଆଉ ସାତ ଜଣଙ୍କୁ ଗିରଫ କରି କୋର୍ଟ ଚାଲାଣ କରିଛି । ଘଟଣା ଅନୁସାରେ ତିନି ଦିନ ପୂର୍ବରୁ ଟଙ୍କା ଚୋରି ଅଭିଯୋଗରେ କୁନ୍ଦେଇ ଥାନା ଅଞ୍ଚଳର ଜଣେ ନାବାଳିକା ଖୁଣ୍ଟରେ ବାନ୍ଧି ଜୋତା ମାଳ ପିନ୍ଧେଇବା ସହ ତାକୁ ମାଡ଼ ମରା ଯାଇଥିଲା । କିଛି ବ୍ୟକ୍ତି ଏହି ସମୟର ଦୃଶ୍ୟକୁ ଭିଡିଓ କରି ଭାଇରାଲ୍ କରିଥିଲେ।
ଭିଡିଓ ଭାରାଇଲ୍ ପରେ ନାବାଳିକାର ବାପା ଥାନାର ଦ୍ୱାରସ୍ଥ ହୋଇଥିଲେ। କୁନ୍ଦେଇ ଥାନାରେ ଲିଖିତ ଅଭିଯୋଗ କରିବା ପରେ ଥାନା ଅଧିକାରୀ ପ୍ରଶାନ୍ତ କୁମାର ସେଠୀ ଘଟଣାକୁ ଅତି ଗୁରୁତ୍ୱର ଭାବରେ ନେଇ ଗତ ୧୮ ତାରିଖରେ ଏହି ଘଟଣାରେ ସଂପୃକ୍ତ ଚାରି ଜନଙ୍କୁ ଗିରଫ କରି କୋର୍ଟ ଚାଲାଣ କରିଥିଲେ । ଘଟଣା ରେ ଅଧିକ ତଦନ୍ତ ପରେ ଆଜି ଆଉ ସାତ ଜଣଙ୍କୁ ଗିରଫ କରି କୋର୍ଟ ଚାଲାଣ କରାଯାଇଛି । ଏହି ମାମଲାର ଅଧିକ ତଦନ୍ତ ଜାରି ରହିଥିବା ବେଳେ ଏଥିରେ ଆଉ କେଉଁମାନଙ୍କର ସଂପୃକ୍ତ ରହିଛି ସେମାନଙ୍କୁ ମଧ୍ୟ ଗିରଫ କରାଯିବ ବୋଲି ଉମରକୋଟ ଏସଡିପି ଓ ଶୁଭେନ୍ଦୁ କୁମାର ଶବର କହିଛନ୍ତି ।