ଜି-୨୦ ମଞ୍ଚରୁ ‘ଭାରତ’ ବାର୍ତ୍ତା

ନୂଆଦିଲ୍ଲୀ(ବଡ଼ ଖବର ବ୍ୟୁରୋ);ନୂଆଦିଲ୍ଲୀରେ ଆରମ୍ଭ ହୋଇଛି ଦୁଇ ଦିନିଆ ଜି ୨୦ ସମ୍ମିଳନୀ । ସମ୍ମିଳନୀକୁ ସମ୍ବୋଧନ କରିଛନ୍ତି ମୋଦି । ବିଶ୍ୱରେ ସଂପ୍ରତ୍ତି ବିଶ୍ୱାସର ନୂଆ ସଙ୍କଟ ଦେଖାଦେଇଛି । ବିଶ୍ୱାସର ଏହି ସଙ୍କଟକୁ ଦୂର କରାଯାଇପାରିବ । ଏକାଠି ହେଲେ ଦୂର ହେବ ସବୁ ସଙ୍କଟ ।

ଏବେ ସମସ୍ତଙ୍କୁ ସାଥୀରେ ନେଇ ଚାଲିବାର ସମୟ ଆସିଛି । ସବ୍‌କା ସାଥ୍‌, ବିକାଶ ଓ ବିଶ୍ୱାସର ମନ୍ତ୍ର ପଥପ୍ରଦର୍ଶକ । ସମ୍ବୋଧନରେ ମରାକ୍କୋର କଥା କହିଲେ ପ୍ରଧାମନ୍ତ୍ରୀ । ଭୂକମ୍ପ କ୍ଷତିଗ୍ରସ୍ତ ମରକ୍କୋ ସହ ପୁରା ବିଶ୍ୱ ଅଛି ବୋଲି କହିଲେ ମୋଦି । ଅନ୍ୟପଟେ ଜି-୨୦ ବୈଠକରେ ପ୍ରଧାନମନ୍ତ୍ରୀ ବସିଥିବା ସିଟରେ ଲେଖା ହୋଇନି ‘ଇଣ୍ଡିଆ’ । ମୋଦିଙ୍କ ସିଟରେ ଇଂରାଜୀରେ ଲେଖା ହୋଇଛି ‘ଭାରତ’ । ପୂର୍ବରୁ ରାଷ୍ଟ୍ରପତିଙ୍କ ନୈଶ୍ୟଭୋଜି ନିମନ୍ତ୍ରଣ ପତ୍ରରେ ଳେଖାଥିଲା ଭାରତ ।