‘ଇଣ୍ଡିଆ’ ନାମକୁ ନେଇ ଖୁସି ନଥିଲେ ନୀତୀଶ

ନୂଆଦିଲ୍ଲୀ  (ବଡ଼ ଖବର ବ୍ୟୁରୋ):  ୨୦୨୪ ଲୋକସଭା ନିର୍ବାଚନରେ ୨୬ ବିରୋଧୀ ଦଳ ଗୋଟିଏ ମେଣ୍ଟରେ ଲଢ଼ିବେ। ଏହି ବିରୋଧୀ ମେଣ୍ଟର ନାଁ ରଖାଯାଇଛି ‘ଇଣ୍ଡିଆ’- ‘ଇଣ୍ଡିଆନ ନେସ୍‌ନାଲ ଡେଭ‌ଲପମେଣ୍ଟାଲ ଇନକ୍ଲୁଜିଭ ଆଲିଆନ୍ସ’ । ତେବେ ଏହି ନାମକୁ ନେଇ ଖୁସି ନଥିଲେ ନୀତୀଶ । ସୂଚନାରୁ ପ୍ରକାଶ ଯେ ବେଙ୍ଗାଲୁରୁରେ ଅନୁଷ୍ଠିତ ଦ୍ୱିତୀୟ ବିରୋଧୀ ବୈଠକରେ ପଶ୍ଚିମବଙ୍ଗର ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ଦଳ ସମେତ ୨୬ ଟି ବିରୋଧୀ ଦଳ ଯୋଗ ଦେଇଥିବା ବେଳେ ମିଳିତ ମଞ୍ଚର ନାମ ଇଣ୍ଡିଆ ଦେବାକୁ ପରାମର୍ଶ ଦିଆଯାଇଥିଲ ।

ସୂଚନାନୁସାରେ, ନୀତୀଶ କୁମାର ଇଣ୍ଡିଆ ନାମ ନେଇ ଆପତ୍ତି କରିଥିଲେ କାରଣ ଏଥିରେ ନ୍ୟାଶନାଲ ଡେମୋକ୍ରାଟିକ ଆଲାଇନ୍ସ (ଏନଡିଏ) ନାମରେ ମଧ୍ୟ ଶବ୍ଦ ରହିଛି। ତେବେ ଯେତେବେଳେ ସମସ୍ତ ଦଳ ଏହି ନାମ ନେଇ ସହମତି ଜଣାଇଥିଲେ ତାଙ୍କ ପାଖରେ କୌଣସି ବିକଳ୍ପ ନଥିଲା। ନୀତୀଶ କହିଥିଲେ ଯଦି କାହାର କିଛି ଅସୁବିଧା ନାହିଁ ତେବେ ଏହା ଠିକ ଅଛି, ଏହାକୁ ରଖ।