ସଂକ୍ରମଣରେ ତୃତୀୟ ସ୍ଥାନରେ ଭାରତ

ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ସାରା ବିଶ୍ୱରେ ଜାରି ରହିଛି କରୋନାର ଦ୍ୱିତୀୟ ଲହର । କରୋନା ସଂକ୍ରମଣ କ୍ଷେତ୍ରରେ ପ୍ରଥମ ସ୍ଥାନରେ ରହିଛି ଆମେରିକା । ଆମେରିକାରେ ୩ କୋଟି ୧୪ ଲକ୍ଷ ୨୭ ହଜାର ୪୫୮ ଜଣ ସଂକ୍ରମିତ ଚିହ୍ନଟ ହୋଇଛନ୍ତି । ଦ୍ୱିତୀୟ ସ୍ଥାନରେ ରହିଛି ବ୍ରାଜିଲ୍ । ଏଠାରେ ମୋଟ୍ ସଂକ୍ରମଣ ୧ କୋଟି ୨୯ ଲକ୍ଷ ୮୪ ହଜାର ୯୫୬ ଥିବାବେଳେ ତୃତୀୟ ସ୍ଥାନରେ ରହିଛି ଭାରତ । ଭାରତରେ ମୋଟ୍ ସଂକ୍ରମିତଙ୍କ ସଂଖ୍ୟା ୧ କୋଟି ୨୬ ଲକ୍ଷ ୬୮ ହଜାର ୫୦୫ ଥିବା ୱାର୍ଲଡୋମିଟର ତଥ୍ୟରୁ ପ୍ରକାଶ ପାଇଛି।

ଭାରତରେ ଦିନକୁ ଦିନ ସଂକ୍ରମଣ ବଢିବାରେ ଲାଗିଛି । ୨୦୨୦ ସେପ୍ଟେମ୍ବର ୧୭ରେ ଦେଶର ୯୭ ହଜାର ୮୯୪ ସଂକ୍ରମିତ ଚିହ୍ନଟ ହୋଇଥିଲେ । ସେହିଭଳି ସୋମବାର ଗୋଟିଏ ଦିନରେ ୪୭୮ଜଣ ସଂକ୍ରମିତଙ୍କ ମୃତ୍ୟୁ ହୋଇଛି । ନୂଆ ସଂକ୍ରମଣ ସହିତ ଦେଶର ମୋଟ୍ ସଂକ୍ରମିତଙ୍କ ସଂଖ୍ୟା ୧,୨୫,୮୯,୦୬୭ରେ ପହଂଚିଥିବା ବେଳେ ମୃତ୍ୟୁ ସଂଖ୍ୟା ୧,୬୫,୧୦୧ରେ ପହଂଚିଛି । ମୋଟ୍ ସଂକ୍ରମିତଙ୍କ ମଧ୍ୟରୁ ୧,୧୬,୮୨,୧୩୬ଜଣ ସୁସ୍ଥ ହୋଇଥିବା ବେଳେ ୭,୪୧,୮୩୦ଜଣ ଚିକିତ୍ସାଧୀନ ଅଛନ୍ତି ।