ବର୍ଷାରେ ଧୋଇଗଲା ଟି-୨୦ ତୃତୀୟ ମ୍ୟାଚ୍, ୨-୦ରେ ସିରିଜ୍ ଜିତିଲା ଭାରତ
ନୂଆଦିଲ୍ଲୀ (ବଡ଼ ଖବର ବ୍ୟୁରୋ): ବର୍ଷାରେ ଧୋଇଗଲା ଭାରତ ଓ ଆୟର୍ଲାଣ୍ଡ ମଧ୍ୟରେ ଖେଳାଯିବାକୁ ଥିବା ତୃତୀୟ ଟି-୨୦ ମ୍ୟାଚ । ଦିନ ସାରା ବର୍ଷା ଲାଗିରହିବା କାରଣରୁ ପିଚ୍ରୁ କଭର ହଟାଯାଇପାରିନଥିଲା। ସ୍ଥାନୀୟ ସମୟ ୫.୪୫ ମିନିଟ୍ରେ ଅମ୍ପାୟାର ପଡ଼ିଆ ସ୍ଥିତି ଯାଞ୍ଚ କରିବା ପରେ ଶେଷରେ ଅପରାହ୍ନ ୫.୫୮ ମିନିଟ୍ରେ ମ୍ୟାଚ୍କୁ ବାତିଲ ଘୋଷଣା କରାଯାଇଥିଲା। ଏହି ଗସ୍ତରେ ଭାରତ ପ୍ରଥମ ଦୁଇ ମ୍ୟାଚ୍ ଜିତି ଆଗୁଆ ଶୃଙ୍ଖଳା ଜିତିସାରିଥିଲା। ପୂର୍ବରୁ ବର୍ଷା ପାଇଁ ପ୍ରଥମ ଟି-୨୦ ମଧ୍ୟ ପ୍ରଭାବିତ ହୋଇଥିଲା ।
ଏହି ମ୍ୟାଚରେ ଡିଏଲଏସ ନିୟମାନୁଯାୟୀ ଭାରତ ବିଜେତା ହୋଇଥିଲା । ବୁଧବାର ବର୍ଷା ଲାଗିରହିବାରୁ ନିର୍ଦ୍ଧାରିତ ସମୟରେ ଟସ ମଧ୍ୟ ପଡି ପାରିନଥିଲ । ବର୍ଷା ବାଧାପ୍ରାପ୍ତ ପ୍ରଥମ ମ୍ୟାଚ୍କୁ ୨ ରନ୍ରେ ଜିତିଥିଲା ବେଳେ ଦ୍ବିତୀୟକୁ ଭାରତ ୩୩ ରନ୍ରେ ବିଜୟୀ ହୋଇଥିଲା। ଏହାଫଳରେ ପ୍ରଥମ ଥର ଦଳର ନେତୃତ୍ବ ନେଉଥିବା ଯଶପ୍ରୀତ୍ ବୁମ୍ରାଙ୍କ ପାଇଁ ଏହା ପ୍ରଥମ ଶୃଙ୍ଖଳା ବିଜୟ ହୋଇପାରିଛି। ଅନ୍ୟ ପଟେ ଶେଷ ଟି-୨୦ ମ୍ୟାଚ ଜିତି ସମ୍ମାନ ବଞ୍ଚାଇବା ଲକ୍ଷରେ ଥିବା ଘରୋଇ ଦଳ ନିରାଶ ହୋଇଛି ।