ଡାକ୍ତର ନିଯୁକ୍ତି ଦାବିରେ ଅତିରିକ୍ତ ଜିଲ୍ଲାପାଳଙ୍କ ଅଫିସ ଆଗରେ ଧାରଣା

ଭୁୁବନେଶ୍ୱର (ବଡ଼ ଖବର ବ୍ୟୁରୋ): ରୋଗୀ ସେବାଠାରୁ ଦୂରେଇ ଯାଉଛି ରାଉରକେଲା ସରକାରୀ ଡାକ୍ତରଖାନା । ଏହି ଡାକ୍ତରଖାନା ଉପରେ ନିର୍ଭର କରୁଥିବା ସୁନ୍ଦରଗଡ଼ ଜିଲ୍ଲା ସହିତ ଝାଡଖଣ୍ଡ ଓ ଛତିଶଗଡ଼ର ରୋଗୀମାନେ ନାହିଁ ନଥିବା ଅସୁବିଧାର ସମ୍ମୁଖୀନ ହେଉଛନ୍ତି । ୧୫ ଦିନରୁ ଅଧିକ ହେବ ସର୍ଜିକାଲ ଅପରେସନ ଥିଏଟର ବନ୍ଦ । ଏବେ ଅର୍ଥୋପେଡିକ ଅପରେସନ ଥିଏଟର ମଧ୍ୟ ବନ୍ଦ କରିଦିଆଯାଇଛି । ଏହି ଡାକ୍ତରଖାନାର ସମସ୍ତ ବିଭାଗକୁ ବେସରକାରୀ ସଂସ୍ଥାକୁ ଟେକି ଦିଆଯାଇଛି । ଆବଶ୍ୟକ ଡାକ୍ତର ନଥିବା ଡାକ୍ତରଖାନା ନିଦେ୍ର୍ଦଶକ ମାନିଛନ୍ତି ।

ରୋଗୀଙ୍କ ଜୀବନ ପ୍ରତି ବିପଦ ଘନେଇ ଆସୁଛି । ଆବଶ୍ୟକ ଡାକ୍ତର ନିଯୁକ୍ତି ରାଉରକେଲା ସରକାରୀ ଡାକ୍ତରଖାନାକୁ ବିକାଶ ଧାରାରେ ସାମିଲ କରିବା, ଶର୍ଯ୍ୟା ବୃଦ୍ଧି, ଲିଜ୍ କ୍ୟାନସଲ ପ୍ରଭୃତି ଦାବିରେ ସ୍ଥାନୀୟ ଅତିରିକ୍ତ ଜିଲ୍ଲାପାଳଙ୍କ କାର୍ଯ୍ୟାଳୟ ଆଗରେ ମୁକ୍ତିକାନ୍ତ ମଣ୍ଡଳ ଓ ତାଙ୍କ ସାଥୀମାନେ ଧାରଣା ଦେଇଛନ୍ତି ।