(ବଡ଼ ଖବର ବ୍ୟୁରୋ): ଅକ୍ଟୋବରରୁ ଭାରତ ଟିକା ରପ୍ତାନି କରିବ । ଦେଶରେ ପୁଣିଥରେ ଆରମ୍ଭ ହେବାକୁ ଯାଉଛି ‘ଟିକା ମୈତ୍ରୀ’ ଅଭିଯାନ । ବଳକା ଟିକାକୁ ଆସନ୍ତା ମାସରୁ ରପ୍ତାନି । ଟିକାକୁ ସାହାଯ୍ୟ ଆକାରରେ ଦିଆଯିବ ବୋଲି ସରକାର ଘୋଷଣା କରିଛନ୍ତି। ବିଶ୍ବର ସବୁଠୁ ଅଧିକ ମାତ୍ରାର ଟିକା ଭାରତରେ ପ୍ରସ୍ତୁତ ହେଉଛି।
ତେବେ ସଂକ୍ରମଣ ବଢ଼ିବାରୁ ଦେଶ ପ୍ରଥମେ ନିଜ ଲୋକଙ୍କୁ ଟିକାକରଣ କରିବାପାଇଁ ଗତ ଏପ୍ରିଲରେ ଟିକା ରପ୍ତାନି ବନ୍ଦ କରିଦେଇଥିଲା। ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ଆମେରିକା ଗସ୍ତର ଦିନକ ପୂର୍ବରୁ କେନ୍ଦ୍ର ସ୍ବାସ୍ଥ୍ୟମନ୍ତ୍ରୀ ମନସୁଖ ମଣ୍ଡଭିୟା ଏହା ଘୋଷଣା କରିଛନ୍ତି। ଏବେ ଟିକା ମୈତ୍ରୀ ଅଭିଯାନ ପୁଣିଥରେ ଆରମ୍ଭ ହେବ ବୋଲି ମଣ୍ଡଭିୟା ଘୋଷଣା କରିଛନ୍ତି।
