ଫର୍ମକୁ ଫେରିଲେ ପନ୍ତ, ଖାତା ଖୋଲିଲା କ୍ୟାପିଟାଲ୍ସ
ବିଶାଖାପାଟଣା(ବଡ଼ ଖବର ବ୍ୟୁରୋ): ଆଇପିଏଲର ୧୩ତମ ମୁକାବିଲାରେ ୨୦ ରନରେ ଡିଫେଣ୍ଡିଂ ଚାମ୍ପିଅନ୍ ଚେନ୍ନାଇ ସୁପରକିଙ୍ଗସକୁ ପରାସ୍ତ କିଛି ଦିଲ୍ଲୀ କ୍ୟାପିଟାଲ୍ସ । ବିଶାଖାପାଟଣାରେ ଖେଳା ଯାଇଥିବା ଏହି ମ୍ୟାଚରେ ଟସ୍ ଜିତିବା ପରେ ପ୍ରଥମେ ବ୍ୟାଟିଂ କରିଥିଲା ଦିଲ୍ଲୀ । ୱାର୍ଣ୍ଣର ଓ ପନ୍ତଙ୍କ ଅର୍ଧଶତକ ବଳରେ ଟିମ୍ ୨୦ ଓଭରରେ ୫ ୱିକେଟ ହରାଇ କରିଥିଲା ୧୯୧ ରନ୍ ।
୧୯୨ ରନ୍ ଟାର୍ଗେଟର ପିଛା କରି ଚେନ୍ନାଇ ଟିମ୍ ୨୦ ଓଭରରେ ୬ ୱିକେଟ ହରାଇ କରିଥିଲା ୧୭୧ ରନ୍ । ଏହି ମ୍ୟାଚରେ ଧୋନି ୮ ନମ୍ବରରେ ବ୍ୟାଟିଂ କରିବାକୁ ଆସିଥିଲେ । ଏହା ଫ୍ୟାନଙ୍କୁ ଆଶ୍ଚର୍ୟ୍ୟ କରିଥିଲା । ଧୋନି ୧୬ଟି ବଲ୍ ରୁ ୪ଟି ଚୌକା ଓ ୩ଟି ଛକ୍କାରେ ୩୭ ରନ୍ କରିଥିଲେ । କିନ୍ତୁ ଦଳକୁ ଜିତାଇ ପାରିନଥିଲେ । ଅନ୍ୟପଟେ ଆଜି ମୁମ୍ବାଇ ୱାଙ୍ଖଡ଼େ ଷ୍ଟାଡିୟମରେ ମୁମ୍ବାଇ ଓ ରାଜସ୍ଥାନ ରୟାଲ୍ସ ମଧ୍ୟରେ ହେବ ମୁକାବିଲା ।