ବିଶାଖାପାଟନାମ (ବଡ଼ ଖବର ବ୍ୟୁରୋ): ଆନ୍ଧ୍ରର ରାଜ୍ୟପାଳ ଥିବା ବିଶ୍ୱ ଭୂଷଣ ହରିଚନ୍ଦନଙ୍କୁ ଛତିଶଗଡ଼ର ରାଜ୍ୟପାଳ ଭାବେ ନିଯୁକ୍ତି ଦିଆଯାଇଛି । ଆନ୍ଧ୍ରରାଜଭବନ ଛାଡ଼ି ବିଶ୍ୱଭୂଷଣ ରାଏପୁର ରାଜଭବନ ଯିବାବେଳେ ଆନ୍ଧ୍ରରେ ଦିଆଯାଇଥିଲା ବିଦାୟ ସମ୍ବର୍ଦ୍ଧନା । ମୁଖ୍ୟମନ୍ତ୍ରୀ ଜଗନମୋହନ ରେଡ୍ଡୀ ବିଶ୍ୱଭୁଷଣଙ୍କୁ ବିଦାୟ ଦେବା ଅବସରରେ ତାଙ୍କ ପାଦ ଛୁଇଁ ଆଶୀର୍ବାଦ ଭିକ୍ଷା କରିଥିଲେ । ସ୍ମିତ ହାସ୍ୟରେ ପୂର୍ବତନ ରାଜ୍ୟପାଳ ବିଶ୍ୱଭୂଷଣ ମୁଖ୍ୟମନ୍ତ୍ରୀ ଜଗନମୋହନଙ୍କ ଉପରେ ଢାଳି ଦେଇଥିଲେ ଶୁଭାଶିଷ । ଏହି ଦୃଶ୍ୟକୁ ସେଠାରେ ଉପସ୍ଥିତ ଥିବା ବରିଷ୍ଠ ଅଧିକାରୀ ଓ ଆନ୍ଧ୍ର ମନ୍ତ୍ରିମଣ୍ଡଳର ଅନେକ ସଦସ୍ୟ ଉପଭୋଗ କରିଥିଲେ । କିଛି ନେତାଙ୍କ ଆଖି ଲୁହରେ ଓଦା ହୋଇଯାଇଥିଲା ।
