ରାଧା ଦାମୋଦର ବେଶରେ ମହାପ୍ରଭୁ

ପୁରୀ,(ବଡ଼ ଖବର ବ୍ୟୁରୋ)

  ଆଜି କାର୍ତ୍ତିକ ମାସର ପ୍ରଥମ ସୋମବାର । କରୋନା କଟକଣା ଯୋଗୁ ଏ ପର୍ଯ୍ୟନ୍ତ ମନ୍ଦିର ଖୋଲା ଯାଇ ନ ଥିବା ବେଳେ ରାଧା ଦାମୋଦର ବେଶରେ ଦର୍ଶନ ଦେବେ ମହାପ୍ରଭୁ । ଏହି ଅବସରରେ ଶ୍ରୀମନ୍ଦିରରେ ସ୍ୱତନ୍ତ୍ର ବାଳଭୋଗ ନୀତି ଅନୁଷ୍ଠିତ ହେବ ।
ଆଜି ପ୍ରଥମ ସୋମବାର ଅର୍ଥାତ ଆଜି ଠାରୁ ପୁଣ୍ୟ ଓ ଧର୍ମର ମାସ କାର୍ତ୍ତିକ ମାସର ପ୍ରଥମ ସୋମବାର ଆରମ୍ଭ। ବିଶେଷ କରି ସମସ୍ତ ଶୈବ ପୀଠରେ ଶ୍ରଦ୍ଧାଳୁଙ୍କ ଭିଡ଼ ଜମିଥାଏ। ମାତ୍ର ଚଳିତ ବର୍ଷ କରୋନା କଟକଣା ପାଇଁ କେବଳ ପୂଜାରୀ ପ୍ରଭୁଙ୍କର ପୂଜାର୍ଚ୍ଚନା କରୁଛନ୍ତି। ସାଧାରଣ ଦର୍ଶନ ଉପରେ କଟକଣା ଜାରି ରହିଥିବାରୁ ମନ୍ଦିରରେ ଶ୍ରଦ୍ଧାଳୁଙ୍କ ଭିଡ଼ ନାହିଁ।
ଓଡିଶାର ପ୍ରସିଦ୍ଧ ଶୈବ ପୀଠ, ଯେପରି ରାଜଧାନୀର ଲିଙ୍ଗରାଜ ମନ୍ଦିର, କପିଳାସ, ଆରଡି, ଧବଳେଶ୍ୱର, ଲୋକନାଥ, ଲଡୁବାବା, ଗୋରଖନାଥ ଭଳି ବିଭିନ୍ନ ଶୈବପୀଠରେ କରୋନା କଟକଣା ଜାରି ରହିଥିବାରୁ ମନ୍ଦିରରେ କେବଳ ପୂଜାରୀଙ୍କ ଦ୍ୱାରା ପୂଜାର୍ଚ୍ଚନା କରାଯାଉଛି।