ମାରାହେଲା ବେଶ

ପୁରୀ (ବଡ଼ ଖବର ବ୍ୟୁରୋ): ବିତି ଗଲାଣି ଦୀର୍ଘଦିନ । ଖୋଲୁନି ଶ୍ରୀମନ୍ଦିର । ସିଂହଦ୍ୱାର ବନ୍ଦକରି ସେବାୟତମାନେ ଠାକୁରଙ୍କ ନୀତିକାନ୍ତି ଚଳାଇଛନ୍ତି । ଭକ୍ତମାନେ ଶ୍ରୀଜୀଉଙ୍କ ଦର୍ଶନ ପାଇପାରୁନାହାନ୍ତି । ଭକ୍ତ ବିନା ଶୂନଶାନ ଶ୍ରୀମନ୍ଦିର । ସେବାୟତମାନେ ମଧ୍ୟ ହନ୍ତସନ୍ତ ହେଉଛନ୍ତି ।

ଚାଲିଛି କାର୍ତ୍ତିକ ମାସ । ପ୍ରଚଳିତ ରୀତିନୀତି ଅନୁସାରେ ଶ୍ରୀଜୀଉମୀାନଙ୍କୁ ପଞ୍ଚକ, ପାଞ୍ଚଦିନରେ ସ୍ୱତନ୍ତ୍ର ଭାବେ ବେଶ ହୋଇଥାନ୍ତି । ଆଜି ପଞ୍ଚକର ପ୍ରଥମ ଦିନରେ ଠାକୁର ଲକ୍ଷ୍ମୀନାରାୟଣ ବେଶରେ ଦର୍ଶନ ଦେଇଥାନ୍ତି । ଆଜି ସକାଳୁ ବେଶ ବଢ଼ିଥିଲା । ସମାପ୍ତ ହେବା ପରେ ମାରା ହୋଇଯାଇଥିଲା । ଜଣେ ସେବକ ଛୁଇଁଦେବାରୁ ଏଭଳି ପରିସ୍ଥିତି ସୃଷ୍ଟି ହୋଇଥିଲା । ସେବାୟତମାନେ ଶ୍ରୀଜୀଉଙ୍କର ବେଶ ଓହ୍ଲାଇ ଦେଇଥିଲେ । ପରମ୍ପରା ଅନୁସାରେ ଶ୍ରୀଜୀଉମାନଙ୍କୁ ମହାସ୍ନାନ କରାଯାଇଥିଲା । ମଙ୍ଗଳା ଆଳତୀ ପରେ ପୁଣି ବଢ଼ିଥିଲା ବେଶ । ଠାକୁରଙ୍କ ଏହି ଅପୂର୍ବ ବେଶ ଭକ୍ତମାନେ ଦର୍ଶନରୁ ବଞ୍ଚିତ ହୋଇଛନ୍ତି ।